Boland

in Wikipedia, die vrye ensiklopedie
Spring na: navigasie, soek
Vir Boland, die rugbyspan, sien Boland (rugbyspan).
Duiwelspiek vanaf Tafelberg, met 'n uitsig oor die Boland. In die agtergrond is Tierberg, Perdeberg en Kasteelberg.
Gebied 4 is die Boland Bergkompleks.

Die Boland is die gebied van die Berg- en Breë-riviervallei wat strek van Stellenbosch, Franschhoek en Worcester tot by Tulbagh in die noorde van die Wes-Kaap.[1] Die gebied het oorspronklik as "Bovenland" bekend gestaan om dit van die res van die land te onderskei, wat as die "Onderveld" bekend gestaan het. Dit word soms ook die Kaapse Wynland genoem, omdat dit die primêre streek vir die verbouing van Wes-Kaapse wyne is.

Die streek sluit die hele Suidwes-Kaap in, met die uitsondering van Kaapstad. Dit word oor die algemeen geag as die gebied tussen die mond van die Bergrivier en Swellendam, hoewel 'n meer akkurate beskrywing sou wees die dorpe Wellington, die Paarl, Franschhoek, Stellenbosch, Somerset-Wes, Strand en Gordonsbaai.

Op sportgebied, weer, is die Boland alle gebiede in die Wes-Kaap wat nie deur die Westelike Provinsie en die Suidwestelike Distrikte beslaan word nie. Dit is onder andere die tuiste van die Boland Kavaliers en die Bolandse Krieketspan.

Sien ook[wysig | wysig bron]

Verwysings[wysig | wysig bron]

  1. HAT Taal-en-feitegids, Pearson, Desember 2013, ISBN 978-1-77578-243-8