Boulders

in Wikipedia, die vrye ensiklopedie
Jump to navigation Jump to search
Boulders, naby Simonstad.
’n Brilpikkewyn by Boulders.

Boulders is ’n beskutte strand wat uit inhamme van granietrotse (boulders) bestaan, vandaar die naam. Dit is naby Simonstad op die Kaapse Skiereiland geleë.[1] Dit is ’n gewilde toeriste-aantrekking danksy ’n kolonie brilpikkewyne wat in 1982 daar nesgemaak het. Boulders is deel van die Tafelberg Nasionale Park.

Hierdie pikkewyne word net aan die kuslyn van Suider-Afrika aangetref (in Suid-Afrika en Namibië). Hulle is op die punt om uit te sterf en daarom is hulle onder beskerming van Kaapse Natuurbewaring.

Hoewel dit in ’n woongebied geleë is, is hierdie strand een van die min plekke waar hierdie kwesbare voëls, Spheniscus demersus, van naby gesien kan word terwyl hulle vrylik in ’n beskermde natuuromgewing rondloop. Van net twee broeipare in 1982 het die kolonie aangegroei tot sowat 3 000 voëls.

Die gebied word begrens deur inheemse bosse aan die een kant en die helder water van Valsbaai aan die ander. Dit bestaan uit verskeie klein, beskutte baaie, wat gedeeltelik omring word deur granietrotse van 540 miljoen jaar oud.

Verwysings[wysig | wysig bron]

  1. "Archived copy" (in Engels). Geargiveer vanaf die oorspronklike op 16 Julie 2016. Besoek op 12 Maart 2014.AS1-onderhoud: "Argiefkopie" as titel (link)

Skakels[wysig | wysig bron]