Simonstad

in Wikipedia, die vrye ensiklopedie
Spring na: navigasie, soek
Simonstad
Simon's Town
Die hawe van Simonstad.
Die hawe van Simonstad.
Ligging van Simonstad op 'n kaart (Wes-Kaap)
Simonstad
Simonstad
Koördinate: 34°11′20″S 18°26′19″O / 34.18889°S 18.43861°O / -34.18889; 18.43861Koördinate: 34°11′20″S 18°26′19″O / 34.18889°S 18.43861°O / -34.18889; 18.43861
Land Vlag van Suid-Afrika Suid-Afrika
Provinsie Wes-Kaap
Metropolitaanse Munisipaliteit Stad Kaapstad
Wyk 61
Regering
 - Raadslid Nicki Holderness (DA)
Oppervlak
 - Voorstad 19,81 km²  (7,6 vk m)
Bevolking (2011)
 - Voorstad 6 569
 - Digtheid 330/km² (854,7/myl2)
Tydsone SAST (UTC+2)
Poskode 7995

Simonstad (Engels: Simon's Town) is 'n dorp aan die oostelike kant van die Kaapse Skiereiland naby Kaapstad in die provinsie Wes-Kaap, Suid-Afrika.

Die ingang na die hawe op Simonstad.

Dit is genoem na die Nederlandse goewerneur van die Kaap, Simon van der Stel. Simonstad, wat aan Valsbaai geleë is, is bekend as die hoofkwartier en opleidingsentrum van die Suid-Afrikaanse Vloot. Die dorp speel al tweehonderd jaar 'n belangrike rol as militêre hawe en is oorspronklik deur die Koninklike Britse Vloot (Royal Navy) gebruik.

Die historiese middedorp.

Simonstad se St. Georgestraat word danksy 'n groot aantal historiese huise, waaronder die Huis van die Admiraliteit uit die jaar 1740, ook die "Goue Myl" genoem. Die dorp beskik oor 'n regstreekse spoorwegverbinding met die sakekern van Kaapstad en een van die gewildste sandstrande van die skiereiland, Bouldersstrand. Die strand is blykbaar ook gewild by die plaaslike pikkewyne, wat hier - ondanks die aanwesigheid van mense - in 1985 'n kolonie gestig het.

Wapen[wysig | wysig bron]

Simonstad het van 1883 tot 1996 sy eie munisipaliteit gehad. Die raad het in 1905 'n wapen aangeneem wat deur Adalbert Bonn ontwerp is. Dit was 'n effens gedifferensieerde weergawe van die wapen van Willem Adriaan van der Stel, wat Bonn met die van sy vader Simon van der Stel verwar het.[1] [2] Die wapen is in 1957 deur die College of Arms (in Londen) aan die raad verleen. Toe die munisipaliteit in 1996 ontbind is, het die raad die oktrooi aan die Simon's Town Historical Society vir bewaring oorhandig, en dié genootskap het dit in 1999 op sy eie naam by die Buro vir Heraldiek geregistreer.[3] [4]

Die blasoen is soos volg : Gevierendeel: I en IV, gedeel, regs in silwer drie rooi torings geplaas 2 en 1, links deursnede van goud en blou, in die skildhoof staande op 'n groen grond 'n pronkende pou van natuurlike kleur en in die skildvoet drie silwer pennings geplaas 2 en 1; II en III, in blou 'n uitstralende ster en in die skildhoof drie wassenaars, alles van silwer, oor alles heen 'n goue ovaalvormige hartskild, die buiterand opgekrul, belaai met 'n rooi klimmende halwe leeu uitkomend uit drie golwende groen streepbalke. Die helmteken is 'n voorstelling van Britannia wat op 'n goue vlootkroon rus; twee gekruiste ankers is agter die skild geplaas; die wapenspreuk is "Fac et spera".

Sien ook[wysig | wysig bron]

Verwysings[wysig | wysig bron]

  1. Chapman, F.P. 'How the town obtained its coat of arms' in Simon's Town Historical Society Bulletin (Julie 1973).
  2. Die wapen kom voor op 'n tabakkaart wat in 1931 uitgereik is.
  3. Simons' Town Historical Society Bulletin (Julie 1997).
  4. National Archives of South Africa : Data of the Bureau of Heraldry.
Simonstad, 1806


Vlag van Suid-Afrika

Provinsie Wes-Kaap

Hoofstad:

Kaapstad

Streke:

Eden | Kaapse Skiereiland | Kaapse Wynlande | Sentraal Karoo | Overberg | Weskus

Grootste stede en dorpe:

Kaapstad | George | Mosselbaai | Knysna | Oudtshoorn | Paarl | Robertson | Stellenbosch | Swellendam | Vredenburg | Worcester

Munisipaliteite:

Beaufort-Wes | Bergrivier | Bitou | Breedevallei | Kaap Agulhas | Cederberg | Drakenstein | Eden | George | Hessequa | Kaapstad | Kannaland | Knysna | Laingsburg | Langeberg | Matzikama | Mosselbaai | Oudtshoorn | Overberg | Overstrand | Prins Albert | Saldanhabaai | Sentraal Karoo | Stellenbosch | Swartland | Swellendam | Theewaterskloof | Weskus | Witzenberg