Build One South Africa
Build One South Africa (BOSA) is 'n Suid-Afrikaanse politieke party. Dit word gelei deur Mmusi Maimane, die leier van die One SA Movement en die voormalige leier van die Demokratiese Alliansie. Die onderleier is Nobuntu Hlazo-Webster, stigter en sameroeper van die Suid-Afrikaanse Vrouekommissie. Die voorsitter van die party is die huidige Nelson Mandelabaai-onderburgemeester Mkhuseli Jack. Die party is op 24 September 2022 in Naledi, Soweto, van stapel gestuur.[1]
Die party het sy eerste tussenverkiesing in Oktober 2023 betwis en 1% van die stemme in die wyk een verkiesing in die Sol Plaatje Plaaslike Munisipaliteit gewen.[2]
Die party het aan die algemene verkiesing van 2024 as 'n "sambreelorganisasie" vir onafhanklike kandidate deelgeneem.[3] Maimane het as die party se presidentskandidaat in die verkiesings deelgeneem.[4]
Die party het in 2024 0,41% van die nasionale stemme in die verkiesing gekry[5] en twee setels in die Nasionale Vergadering.
Stigting van Unite for Change
[wysig | wysig bron]Op 5 Oktober 2025 is in Johannesburg bekendgemaak dat Build One South Africa, GOOD en RISE Mzansi gaan saamsmelt en die party, Unite for Change sal geregistreer word om aan die komende munisipale verkiesings in 2026 deel te neem.[6][7] Build One South Africa sal onafhanklik voortbestaan tot die nasionale verkiesing van 2029, waarin dit ten volle met die nuwe party saamsmelt.
Verwysings
[wysig | wysig bron]- ↑ siyamtanda.capa. "Maimane's new party for political change". www.iol.co.za (in Engels). Besoek op 25 September 2022.
- ↑ Sussman, Wayne (12 Oktober 2023). "Oktober by-elections: EFF, PA upset ANC in Mpumalanga, N Cape". Daily Maverick (in Engels). Besoek op 12 Oktober 2023.
- ↑ "'We must put a job in every home': Maimane launches Build One SA party". TimesLIVE (in Engels). Besoek op 25 September 2022.
- ↑ Masungwini, Norman. "Maimane returns to politics with Bosa". Citypress (in American English). Besoek op 25 September 2022.
- ↑ Shiko, Cliff (1 Junie 2024). "Bosa disappointed by results, but satisfied with electoral process". Jacaranda FM. Besoek op 2 Junie 2024.
- ↑ Goba, Thabiso. "Bosa, Rise Mzansi, and Good Party have united to form 'Unite for Change'". EWN (in Engels). Besoek op 5 Oktober 2025.
- ↑ Patel, Faizel (5 Oktober 2025). "JUST IN: Bosa, GOOD and Rise Mzanzi merge to form Unite for Change". The Citizen (in Engels). Besoek op 5 Oktober 2025.