Nelson Mandelabaai Metropolitaanse Munisipaliteit

in Wikipedia, die vrye ensiklopedie
Spring na: navigasie, soek
Suid-Afrika Nelson Mandelabaai
Kaart van Suid-Afrika wat Nelson Mandelabaai in Oos-Kaap aandui
Provinsie Oos-Kaap
Tipe Metropolitaanse Munisipaliteit
Munisipale kode NMA
Plaaslike munisipaliteite Geen
Hoofstad Port Elizabeth
Burgemeester Athol Trollip
Grootste tale Xhosa, Afrikaans, Engels
Oppervlakte 1 959 km²
Bevolking 1 152 115 (2011)
Geografiese verspreiding van huistale in die Nelson Mandelabaai Metropolitaanse Munisipaliteit:

   Afrikaans

   Engels

   Xhosa

   Geen meerderheidstaal


Geografiese verspreiding van etniese groepe in die Nelson Mandelabaai Metropolitaanse Munisipaliteit:

   Blanke Suid-Afrikaners

   Geen dominante nie

   Geen bevolking nie


Die Nelson Mandelabaai Metropolitaanse Munisipaliteit is een van die agt metropolitaanse munisipaliteite in Suid-Afrika.

Die naam is gekies om die eertydse president Nelson Mandela te vereer, ten spyte van die feit dat daar nie 'n geografiese kenmerk in die gebied met hierdie naam is nie.

Hoofgebiede[wysig | wysig bron]

Die sensus van 2001 verdeel die munisipaliteit in die volgende gebiede:[1]

Plek Kode Area (km2) Bevolking Dominante taal
Beachview 27501 0.78 500 Afrikaans
Bethelsdorp 27502 77.64 134,617 Afrikaans
Blue Horizon Bay 27503 2.74 409 Afrikaans
Cannonvale 27504 0.69 196 Afrikaans
Colchester 27505 1.28 743 Afrikaans
Despatch 27506 38.75 25,086 Afrikaans
Gqebera 27507 1.90 16,686 Xhosa
Ibhayi 27508 23.69 255,826 Xhosa
Kabah 27509 1.68 3,282 Afrikaans
Khaya Mnandi 27510 0.82 5,379 Xhosa
Kwa Langa 27511 0.70 8,196 Xhosa
Kwadwesi 27512 5.10 17,733 Xhosa
Kwanobuhle 27513 15.34 87,585 Xhosa
Motherwell 27514 29.52 117,319 Xhosa
Port Elizabeth 27516 335.30 237,500 Afrikaans
Seaview 27517 1.60 732 Engels
Uitenhage 27518 84.77 71,666 Afrikaans
Woodridge 27519 0.56 270 Xhosa
Young Park 27520 0.52 762 Afrikaans
Res van die munisipaliteit 27515 1,328.77 21,281 Xhosa

Munisipale verkiesings[wysig | wysig bron]

Ná die munisipale verkiesing van 2011 het die ANC 63 uit die 120 setels in die raad beheer. Die Demokratiese Alliansie was die amptelike opposisie met 48, terwyl COPE ses en die ACDP, PAC en UDM een elk gehad het. In dié verkiesing het die ANC 377 138 stemme op hom verenig, vergeleke met die DA se 291 571, uit 'n totaal van 723 740. Die ANC het 34 wyke gewen en die DA 26, die enigste twee partye wat in wyke kon wen.

Ná munisipale verkiesing op 3 Augustus 2016 het die Demokratiese Alliansie as die grootste party uit die stryd getree, hoewel hy met 355 471 van die 753 895 uitgebragte stemme nie 'n meerderheid kon behaal nie. Die ANC het 311 416 stemme gekry, terwyl die EFF die derde grootste party met 38 951 stemme was. Dié uitslag het aan die DA 57 setels besorg, aan die ANC 50 en aan die EFF vyf in 'n raad met 120 setels. Drie tradisionele alliansievennote van die DA – die UDM (2), ACDP (1) en COPE (1) – kon saam sorg vir 'n totaal van 61 setels, vergeleke met die ander partye se 59. Hierdie keer kon die ANC 36 wyke wen, die DA 23 en die EFF een, nadat die ANC-kandidaat onttrek het. Athol Trollip is op 18 Augustus 2016 onbestrede as burgemeester gekies nadat die ANC nie aan die stemmery deelgeneem het nie en die DA 'n ooreenkoms met die UDM en ACDP aangegaan het. Mongameli Bobani van UDM is as onderburgemeester gekies en Jonathan Lawack as speaker.

Verwysings[wysig | wysig bron]