Burgerspark

in Wikipedia, die vrye ensiklopedie
Spring na: navigasie, soek

Burgerspark is 'n park in die sentrale gedeelte van Pretoria, Suid-Afrika. Die park is tussen Andries- Jacob Mare- en Van der Waltstraat en Burgersparksteeg geleë. Die park is vernoem na President van die Zuid-Afrikaansche Republiek tussen 1872 en 1877, T.F. Burgers. Burgers het versoek dat 'n stuk grond opsy gesit word vir die aanlê van 'n botanies tuin. Die park is op die ou einde tussen 1890 en 1892 deur George Heys, die eienaar van Melrose-huis uitgelê. 'n Aantal gedenkbome is in die park aangeplant insluitend die Koningin Wilhelminaboom wat in 1898 op die koningin se verjaarsdag geplant is. Die park bevat 'n Victoriaanse kiosk,'n orkespawiljoen, 'n standbeeld van President T.F. Burgers deur Moses Kottler, 'n standbeeld wat ter nagedagtenis aan die Skotse Regiment wat in die Eerste Wêreldoorlog geval het, en die floratorium waarin eksotiese plante uitgestal word. [1]

Die park is op 9 Maart 1979 tot nasionale gedenkwaardigheid verklaar.

Verwysings[wysig | wysig bron]

  1. PJ Greyling, Pretoria en die Anglo-Boere Oorlog, 'n Gids, Protea Boekhuis, Pretoria, Suid-Afrika, 2000, p66