Butch Cassidy and the Sundance Kid

in Wikipedia, die vrye ensiklopedie
Jump to navigation Jump to search
Butch Cassidy and the Sundance Kid
Regisseur George Roy Hill
Produksieleier John Foreman
Draaiboek William Goldman
Met Paul Newman
Robert Redford
Katharine Ross
Musiek deur Burt Bacharach
Kinematografie Conrad L. Hall
Redigeerder John C. Howard
Richard C. Meyer
Ateljee 20th Century Fox
Uitgereik 24 September 1969
Speeltyd 110 minute
Land Verenigde State van Amerika
Taal Engels, Spaans
Begroting $ 6 miljoen[1]
Bruto wins $102,3 miljoen (Noord-Amerika)[2]
IMDb-profiel

Butch Cassidy and the Sundance Kid is ’n Amerikaanse rolprent wat in 1969 gemaak is met Robert Redford en Paul Newman in die hoofrolle. Dit handel oor twee struikrowers van Wyoming wat gejag word en na Boliwië vlug om van die gereg te ontsnap, maar uiteindelik in ’n oor-en-weer-skietery sterf.[3]

Robert LeRoy Parker, alias Butch Cassidy in 1894.
Harry Longabaugh, alias "Sundance Kid"

Hierdie fliek is losweg op die ware verhaal van die twee titelkarakters (Butch Cassidy en sy vriend, Harry Longabaugh, ook "Sundance" genoem) gebaseer. Hulle was, saam met ander lede van die "Wild Bunch"-bende, vir langste reeks trein- en bankrooftogte in Amerika verantwoordelik. Die fliek het die legende van hierdie twee karakters selfs meer gewild gemaak.

Die film het vier Oscar-pryse gewen: vir Beste Kinematografie, Beste Oorspronklike Musiek, Beste Liedjie (Burt Bacharach se "Raindrops Keep Fallin' on My Head") en die Beste Oorspronklike Draaiboek (William Goldman). Dit is ook genomineer vir Beste Prent, Beste Direkteur (Hill) en Beste Klank. Goldman het die BAFTA-prys vir Beste Draaiboek gewen.

Dit was een van die grootste films van die 1960's, wat 102,3 miljoen dollar in die Verenigde State verdien het. Dit is as nommer 49 op die die Amerikaanse Filminstituut se rolprentlys, 100 Years... 100 Movies, gelys.

Rolverdeling[wysig | wysig bron]

Akteur Rol
Paul Newman Butch Cassidy
Robert Redford The Sundance Kid
Katherine Ross Etta Place
Strother Martin Percy Garris
Henry Jones Fietsenverkoper
Jeff Corey Sheriff Bledsoe
George Furth Woodcock
Cloris Leachman Agnes
Ted Cassidy Harvey Logan
Kenneth Mars Sheriff
Donnelly Rhodes Macon
Jody Gilbert Dikke vrouw
Timothy Scott News Carver
Don Keefer Brandweerman
Charles Dierkop Flat Nose Curry

Verwysings[wysig | wysig bron]

  1. "Butch Cassidy and the Sundance Kid – Box Office Data, DVD and Blu-ray Sales, Movie News, Cast and Crew Information". The Numbers. Besoek op 15 Desember 2014.
  2. "Butch Cassidy and the Sundance Kid (1969)". Box Office Mojo. Besoek op 26 Februarie 2012.
  3. HAT Taal-en-feitegids, Pearson, Desember 2013, ISBN 978-1-77578-243-8