Cabaret (1972)

in Wikipedia, die vrye ensiklopedie
Spring na: navigasie, soek
Cabaret
Regisseur Bob Fosse
Vervaardiger Cy Feuer
Draaiboek Jay Presson Allen
Christopher Isherwood
Met Liza Minnelli
Michael York
Helmut Griem
Musiek deur John Kander
Kinematografie David Bretherton
Verspreider Allied Artists
Uitgereik 13 Februarie 1972
Speeltyd 124 minute
Land Verenigde State van Amerika
Taal Engels, Duits, Hebreeus
Begroting $2.3 miljoen[1]
Bruto wins $42.8 miljoen[2]
IMDb-profiel

Cabaret (1972) ’n Amerikaanse sang-en-dans-rolprent waarin Liza Minnelli die rol van ’n nagklubsangeres vertolk. In die fliek woon sy in die 1930’s saam met haar minnaar in Berlyn, voordat die Nazi’s beheer oorgeneem het.[3]

Die fliek is 'n verwerking van die gelyknamige musiekblyspel van John Kander (musiek) en Fred Ebb (tekste) uit 1966, die toneelstuk I Am a Camera van John van Druten uit 1951 en die semi-outobiografiese verhale uit die bundels, The Last of Mr. Norris (1935) en Goodbye to Berlin (1939) van Christopher Isherwood.

Cabaret was 'n reuse sukses in bioskope gewees en het meer as 42 miljoen dollar by die loket verdien. Die film is vir tien Oscars genomineer, waarvan agt toegestaan is, waaronder vir beste regie, beste musiek (van Fred Ebb en John Kander), beste kamerawerk, beste kinematografie, beste hoofrolspeler (Liza Minnelli) en beste byrolspeler (Joel Grey). Daarnaas het dit meer as 20 ander pryse losgeslaan, waaronder sewe Bafta-pryse, drie Golden Globes, vier National Board of Review Awards, een Writers Guild of America Award en twee Premi David di Donatello.

Liza Minelli

Die film is vanweë die kulturele, historiese en estetiese belang daarvan in 1995 vir bewaring in die National Film Registry van die American Library of Congress opgeneem.

Rolverdeling[wysig | wysig bron]

  • Liza Minnelli: Sally Bowles
  • Michael York: Brian Roberts
  • Joel Grey: Conferencier
  • Helmut Griem: Maximilian von Heune
  • Fritz Wepper: Fritz Wendel

Verwysings[wysig | wysig bron]

  1. "ABC's 5 Years of Film Production Profits & Losses", Variety, 31 Mei 1973 p. 3
  2. "Cabaret, Worldwide Box Office". Worldwide Box Office. Verkry op 21 Januarie 2012. 
  3. HAT Taal-en-feitegids, Pearson, Desember 2013, ISBN 978-1-77578-243-8

Eksterne skakels[wysig | wysig bron]