Camelot

in Wikipedia, die vrye ensiklopedie
Jump to navigation Jump to search
Camelot, soos deur Gustave Doré verbeeld.
Koning Arthur in Camelot, Romance de Saint Graal, Robert de Borron.

Camelot (soms as Camelat geskryf) is volgens ou legendes die kasteel waar koning Arthur en sy ridders gewoon het. In fiksie oor die Middeleeue regeer Arthur vanaf Camelot oor Skotland en hou hy feeste by sy ronde tafel. Die ronde tafel, wat geen bene of kop het nie, simboliseer goeie koningskap, omdat elke ridder wat daar sit 'n gelyke plek gehad het. Baie interessant is die posisie wat Arthur by die Tafelronde inneem: hy is die primus inter pares, die eerste onder gelykes.

Die ligging van Camelot is onbekend en dit is nie duidelik of die plek ooit bestaan het nie. Sommige mense glo dit was in Somerset, in die suidweste van Engeland gewees. In die literatuur staan dit as ’n beeldskone, magiese en vreedsame plek bekend.[1]

Deesdae word daar dikwels aangeneem dat Camelot die enigste legendariese skuiling van koning Arthur was. In Middeleeuse tekste sou sy kasteel in 'n ander stad wees, moontlik in Carleon. Camelot word vir die eerste keer in reël 34 van Chrétien de Troyes se Lancelot genoem (12de eeu). Camelot kom egter nie in alle manuskripte van die tyd voor nie. In Vulgate Cycle (13de eeu) word Camelot die belangrikste woonplek van Arthur genoem.[2]

Sir Lancelot en koningin Guinevere se liefdesverhouding het Camelot uiteindelik in 'n burgeroorlog gedompel, wat tot die plek se ondergang gelei het.

In Afrikaans bestaan daar verskeie oorvertellings van die Artus- of Arthur-legendes. Die volledigste is dié deur die bekende skrywer André P. Brink, wat onder die titel Koning Arthur en sy Ridders van die Ronde Tafel in 1968 gepubliseer is.

Camelot in moderne kultuur[wysig | wysig bron]

  • The Lady of Shalott (gedig, 1832) en The Lady of Shalott (skildery, 1888) is hierop gebaseer
  • Camelot, 'n mus
  • iekblyspel oor die legende, oorspronklik uit 1960
  • Camelot, 'n Amerikaanse film uit 1967, op die musiekblyspel gebaseer
  • Die koninkryk Camelot kom gereeld in seisoen 5 van die fantasiereeks Once Upon a Time voor.

Verwysings[wysig | wysig bron]

  1. HAT Taal-en-feitegids, Pearson, Desember 2013, ISBN 978-1-77578-243-8
  2. The Camelot Project, Camelot, door Alan Lupack

Sien ook[wysig | wysig bron]

Bron[wysig | wysig bron]