Candi Sukuh

in Wikipedia, die vrye ensiklopedie
Jump to navigation Jump to search

Die Candi Sukuh of Sukuh-tempel is 'n Hindoe-tempel wat in 1437 op die westelike helling van die Lawu, 'n ou vulkaan op 900 m bo seevlak op Java gebou is. Dit is oostelik van Surakarta in Middel-Java naby die grens met Oos-Java geleë. (Tambak, Berjo, regentskap Karaganyat) [1]

Die tempel is bekend vir sy erotiese afbeeldings. Dit bestaan uit verskeie dele.

Die piramide[wysig | wysig bron]

Candi Sukuh 2010 Bennylin 45.jpg

Dit vorm die sokkel van die Yoni. Toe dit gebou is, is die Yoni beheers deur die 1,82 meter hoë Koninklike Linga wat in 1440 ingewy is en nou in die nasionale museum van Jakarta is. Dit is 'n magtige Tantriese simbool in die vorm van 'n fallus wat die hart van die ryk verteenwoordig. Dit het 'n belangrike rol in die later geskiedenis van die Majapahit-ryk gespeel wat sy hoofstad verder oostelik naby Surabaya gehad het, omdat dit 'n opponeerende magsentrum verteenwoordig.

Die Bhimaswarga heiligdom[wysig | wysig bron]

Candi Sukuh 2010 Bennylin 52.jpg

Sy reliëfs stel Bhima se soektog na Tritha Amrta, die water van onsterflikheid en menslike vrugbaarheid voor en hoe hy dit van Shiva ontvang het. Hierdie heiligdom pas eintlik nie in die oorspronklike ontwerp van die tempel nie en is later bygebou. Die basis van die heiligdom het die vorm van 'n yoni en bevat 'n standbeeld van Bhima wat in 1443 ingewy is. Die ooskant vertoon die inisiasieritueel van die Bhima-Palang-kultus. In hierdie ritueel word klein balletjies in die voorhuid van die penis ingebring. Die kandidate staan in 'n ry met hulle penisse ontbloot en wag op die operasie.

Die Dewaruci-altaar[wysig | wysig bron]

Die reliëfs vertoon die verhale van die Nawaruci, Adiparva en Sudamal-tekste. 'n Heilige poel is in 1475 bygevoeg wat die Tritha Amrta verteenwoordig

Die drie skilpaaie[wysig | wysig bron]

Hulle is verbind met rituele wat die siele reinig.

Die Tantriese Portret-altaar[wysig | wysig bron]

Gebou is 1463–? Dit bevat 'n platform met 'n fallussimbool en 'n Tantriese pertret wat waarskynlik Bhre Daha voorstel. Hy het geprobeer om Majapahit se troon oor te neem en is in 1464 dood. In 1486 is hier 'n shraddha vir hom gehou.

Die smedery-altaar[wysig | wysig bron]

Dit vertoon 'n smid en 'n helper, wat wapens vir Bhre Daha se oorlog teen Majapahit vervaardig

Die Garuda-galery[wysig | wysig bron]

Die Westelike Poort[wysig | wysig bron]

Standbeelde van diere[wysig | wysig bron]

Die Asjram met waterleidings[wysig | wysig bron]

Hier is meditasie en joga beoefen. Die rituele het dalk ook seks behels, maar daar is geen aanwysings dat daar tempelprostitusie was soos in die Jagannath-tempel in Puri, Indië nie.

Verwysings[wysig | wysig bron]

  1. From Majapahit and Sukuh to Megawati Sukarnoputri: Continuity and Change in Pluralism of Religion, Culture and Politics of Indonesia from the XV to the XXI Century Victor M. Fic, Abhinav Publications, 2003, ISBN 817017404X, ISBN 9788170174042

Koördinate: 7°39′07″S 110°59′50″O / 7.6518741°S 110.9972416°O / -7.6518741; 110.9972416