Captain Hook

in Wikipedia, die vrye ensiklopedie
Spring na: navigasie, soek
Captain Hook
Captain Hook veg teen Peter Pan, skets deur F.D. Bedford uit Peter and Wendy, 1912
Captain Hook veg teen Peter Pan, skets deur F.D. Bedford uit Peter and Wendy, 1912

Skepping
Eerste verskyning Peter Pan (1904)
Geskep deur J.M. Barrie
Inligting
Spesie Mens
Geslag Manlik
Beroep Seerower
Nasionaliteit Vlag van Engeland Engeland

Captain Hook (Afrikaans: Kaptein Hoek) is 'n bose seerower met ’n metaalhaak in die plek van een van sy hande. Hy is die geswore vyand van Peter Pan in die toneelstuk en boek, Peter Pan, deur J.M. Barrie.[1]

Hook se regterhand is (soos dit 'n tipiese seerower betaam) met 'n haak vervang. Sy hand is in 'n geveg deur Peter Pan afgekap en toe deur 'n krokodil opgevreet. Die krokodil het van Hook se smaak gebou, en hom tot in lengte van dae agtervolg. Hook raak elk keer paniekbevange as hy 'n tikkende klok hoor, wat ook op 'n stadium deur die krokodil ingesluk is, en hom telkens teen die gevaarte waarsku.[2]

Die kaptein se regte naam is egter nie bekend nie. Hy was die aanvoerder van die brik (seilskip) genaamd die Jolly Roger. In die boek word vertel dat hy die voormalige bootsman van kaptein Swartbaard was, asook die enige man vir wie Barbecue bang was.[2]

Aanvanklik is Hook eers aan die einde van die toneelstuk gebruik. As gevolg van die karakter se gewildheid is hy later vroeër in die storie ingeskryf.

Verwysings[wysig | wysig bron]

  1. HAT Taal-en-feitegids, Pearson, Desember 2013, ISBN 978-1-77578-243-8
  2. 2,0 2,1 Barrie. J.M. "Peter and Wendy". Hodder & Stoughton (1911)

Eksterne skakels[wysig | wysig bron]