Carmen

in Wikipedia, die vrye ensiklopedie
Spring na: navigasie, soek
Plakkaat van Carmen se première, 1875

Carmen is 'n opera van die komponis Georges Bizet (1838–1875). Die opera het vier bedrywe en handel oor ’n Spaanse sigeunerin genaamd Carmen. Die libretto (teks) is deur Henri Meilhac en Ludovic Halévy geskryf, en is op 'n novelle van Prosper Mérimée gebaseer. Die eerste opvoering het op 3 Maart 1875 in Parys (in die Opéra-Comique) plaasgevind.[1]

Rolle[wysig | wysig bron]

Bedryf 4: 'n Plein in Sevilla
  • Carmen – mezzo-sopraan
  • Don José – tenoor
  • Micaëla – sopraan
  • Escamillo – bariton

Die storie[wysig | wysig bron]

Magdalena Kožená as Carmen en Jonas Kaufmann as Don José tydens die Salzburg-fees van 2012.

Carmen is 'n sigeunerin wat in 'n fabriek werk. Sy raak op 'n soldaat genaamd Don José verlief, wat haar ook liefkry. Hy is egter reeds aan iemand anders verloof. Later verlaat hy die weermag en die meisie waarop hy verloof was vir Carmen. Terwyl hulle saam wegloop, is hulle vir 'n rukkie gelukkig. Carmen raak egter op 'n bulvegter, genaamd Escamillo, verlief en hul paaie skei. Een dag terwyl Carmen na 'n stiergeveg kyk, wag Don José haar in en probeer haar oorreed om na hom terug te kom. Sy weier volstrek en hy steek haar dood. Hy is met afgryse gevul oor wat hy gedoen het. In die laaste toneel staan die huilende Don José met haar liggaam in sy arms en sing "Ma Carmen adorée!". My geliefde Carmen!

Verwysings[wysig | wysig bron]

  1. HAT Taal-en-feitegids, Pearson, Desember 2013, ISBN 978-1-77578-243-8

Eksterne skakels[wysig | wysig bron]