Carolusberg
Die Carolusberg is met 1344 m bo seevlak die hoogste punt in die Goegap Natuurreservaat in die Noord-Kaap, sowat 11 km oos van Springbok. Simon van der Stel se kopermyn is op die berg geleë.
Die stuk land behoort aan die O'okiep Kopermaatskappy. Kommandeur Van der Stel het die myn in 1685 op 'n ekspedisie na die Koperberge gesink.
Dit is op 24 April 1959 deur die destydse minister van Onderwys, Kunste en Wetenskap, J. J. Serfontein as 'n monument verklaar.
