Chalkidisiese helm
Die Chalkidisiese helm is 'n tipe helm wat gebruik is in Antieke Griekeland. Die helm was veral gewild in die vyfde en vierde eeu voor Christus.
Terminologie[wysig | wysig bron]
Die helm staan bekend as die Chalkidisiese helm omdat daar aanvanklik na aanleiding van uitbeeldings op erdewerk gedink is dat dit gemaak is in die Euboïse stad Chalkis. In werklikheid is dit nie bekend of die helm wel afkomstig is uit Chalkis nie; dit is selfs nie eens seker dat die tersaaklike erdewerk Chalkidisies is nie.
Beskrywing[wysig | wysig bron]
Die Chalkidisiese helm het ontwikkel uit die Korintiese helm en word gekenmerk deur 'n opening vir die ore - hiermee is 'n nadeel van die Korintiese helm verwyder - en 'n breër opening vir die mond.
Onder die helm is beskerming vir die wang en nek. Aan die voorkant, tussen die wangbeskerming, is 'n plaat wat die neus beskerm. In Italië is die tipe met vaste wangbeskermers Chalkidisies genoem en die tipe met los wangbeskermers Lucanies, omrede dit baie in Lucanië gebruik is.
Gebruik[wysig | wysig bron]
Teen die tyd van Alexander die Grote is die helm nog steeds deur swaargewapende soldate, veral Hopliete ('n uitsondering hierop was die Spartane, wat die pyloshelm gedra het, wat baie makliker was om te maak), gedra. Macedoniese soldate het waarskynlik ook Chalkidisiese helms gedra. Daar word vermoed dat die helm op sy beurt aanleiding gegee het tot die Attiese helm.
Sien ook[wysig | wysig bron]
Verwysings[wysig | wysig bron]
| Hierdie artikel is in sy geheel of gedeeltelik vanuit die Nederlandse Wikipedia vertaal. |
