Chicoutimi

in Wikipedia, die vrye ensiklopedie
Spring na: navigasie, soek
Chicoutimi
Chicoutimi se ou papiermeul
Chicoutimi se ou papiermeul
Ligging van Chicoutimi in Saguenay
Ligging van Chicoutimi in Saguenay
Koördinate: 48°25′00″N 71°04′00″W
Land Vlag van Kanada Kanada
Provinsie Quebec
Region Saguenay–Lac-Saint-Jean
Stad Saguenay
Stigting 24 Augustus 1848
Geïnkorporeer op 1 Januarie 2002
Regering
 - Burgemeester Jacques Fortin
Oppervlak
 - Land 146,89 km² (56,7 vk m)
Bevolking (2006)
 - Distrik 67 311
 - Digtheid 458/km² (1 186,2/myl2)
Tydsone EST (UTC-05:00)
 - Somer (DST) EDT (UTC-04:00)

Chicoutimi is 'n stad en hawe in Quebec, Oos-Kanada, by die samevloeiing van die Saguenay- en Chicoutimiriviere. Chicoutimi het ongeveer 67 000 inwoners en vorm saam met Jonquière 'n metropolitaanse gebied met 155 000 inwoners (2001). Nywerhede sluit timmerhout, papier en waterkrag in.

Chicoutimi was reeds in die 17de eeu 'n besige handelspos, en in 1676 het die Jesoeïete hier 'n sendingstasie gestig. Later het die Skotse immigrant Peter McLeod hier 'n saagmeul opgerig. Chicoutimi se ou papiermeul was die eerste van sy soort in Kanada; tussen 1896 en 1930 is die hout van die omgewing hier verwerk.

Die Carnaval Souvenir is die grootste feestelikheid van die jaar en vind in Februarie plaas. Danspartye, kostuum- en pelsjagterfeeste en feesmaaltye met esdoringstroop is deel van die karnaval.

Op 1 Januarie 2002 is Chicoutimi met Jonquière en ander stede saamgesmelt tot die nuwe stad Saguenay.