CiteSeerX

in Wikipedia, die vrye ensiklopedie
(Aangestuur vanaf CiteSeerX (identifier))

CiteSeerx (oorspronklik CiteSeer genoem) is ’n openbare soekenjin en digitale biblioteek vir wetenskaplike en akadamiese geskrifte, veral op die gebied van rekenaarwetenskap en inligtingkunde. CiteSeer word beskou as ’n voorloper van akademiese soekgereedskap soos Google Scholar en Microsoft Academic Search. CiteSeer-enjins en -argiewe soek gewoonlik net na dokumente op openbare webtuistes en nie op uitgewers se webtuistes nie. Gevolglik word skrywers wie se geskrifte vrylik beskikbaar is beter verteenwoordig.

Die doel van CiteSeer is om toegang tot akademiese en wetenskaplike inligting te verbeter. As ’n diens sonder winsbejag waartoe enigiemand toegang het, word dit beskou as deel van die vryetoegangbeweging om groter toegang tot wetenskaplike geskrifte te bewerkstellig. Om vrye data te bevorder deel CiteSeerx sy data vir niekommersiële gebruik onder ’n Creative Commons-lisensie.[1]

Verwysings[wysig | wysig bron]

  1. "CiteSeerX Data Policy". Geargiveer vanaf die oorspronklike op 5 Januarie 2012. Besoek op 10 November 2015.

Skakels[wysig | wysig bron]