City of London Corporation

in Wikipedia, die vrye ensiklopedie
Jump to navigation Jump to search

Mayor and Commonalty and Citizens of the City of London


City of London Corporation

Coats of arms of the City of London Corporation, London, England, IMG 5208 edit.jpg

Wapen van die City of London


Coat of Arms of The City of London.svg

Wapen van die
City of London Corporation


City of London logo.svg

Kenteken van die
City of London Corporation


Guildhall, Londres, Inglaterra, 2014-08-11, DD 139.JPG

Guildhall, City of London,
setel van die City of London Corporation

Die Groot Saal (Great Hall) in Londen se Guildhall (Gildehuis), die tradisionele seremoniële en administratiewe sentrum van die City of London Corporation

Die City of London Corporation, amptelik en wetlik die Mayor and Commonalty and Citizens of the City of London, is die munisipale regeringsliggaam wat die City of London administreer - die historiese middestad van Londen waar tans 'n groot deel van die Verenigde Koninkryk se finansiële sektor saamgetrek is.

Om verwarring met die strategiese bestuursliggaam vir Groter Londen, die Greater London Authority (GLA), te voorkom, is die korporasie se vroeëre naam (Corporation of London) in 2006 gewysig. Die City of London Corporation maak daarop aanspraak dat dit die oudste verkose plaaslike regering ter wêreld is. Sy historiese wortels strek terug tot die 12de eeu toe Londen se belangrikheid as handelsentrum vir Engeland so groot was dat die Kroon aan Londenaars hul eie plaaslike regering toegestaan het.

Vandag het sowel bewoners van die City of London of Square Mile, soos dit dikwels genoem word, asook ondernemings stemreg in plaaslike verkiesings. Naas sy funksies as plaaslike regeringsliggaam, wat min of meer met dié van ander administratiewe stadsdistrikte in Groter Londen, die Boroughs, ooreenkom, sien die City of London Corporation ook na die belange van die finansiële bedryf om. Sy jaarliks verkose hoof, die Lord Mayor, tree as internasionale ambassadeur vir dié bedryf en as leier van afvaardigings van Britse sakelui in die buiteland op.[1] Dié amp word sedert 11 November 2016 beklee deur Andrew Parmley.

Die korporasie se Latynse leuse is Domine Dirige Nos ("Lei U ons, o Heer!"). Sy bates is in 2012 op £1,3 miljard beraam.[2]

Verwysings[wysig | wysig bron]

  1. The City of London Corporation. London: City of London Public Relations Office 2013, bl. 9
  2. BBC News, 21 Desember 2012: City of London Corporation's £1.3bn in assets