Comanche

in Wikipedia, die vrye ensiklopedie
Spring na: navigasie, soek
Comanche
Nʉmʉnʉʉ
Comanche portraits.jpg
Portrette van bekende Comanche-persoonlikhede
Totale bevolking: 14 700[1]
Belangrike bevolkings  in: Vlag van Verenigde State van Amerika Verenigde State
(Oklahoma, Texas)
Taal: Engels, Comanche
Geloofsoortuiging: Christendom, Inheemse Amerikaanse Kerk, tradisionele stamgodsdiens
Verwante etniese groepe: Shoshone en ander Numic-volke

Die Comanche is ’n inheemse Amerikaanse stam. Hulle het in ongeveer 1700 van die Wind River Shoshoni of Oostelike Shoshone afgesplinter en bewoon ’n groot gebied in die suidweste van die Verenigde State van Amerika. Die Comanche noem hulself Neme-ne (Nʉmʉnʉʉ) en was veral as goeie perderuiters en krygers bekend.[2]

Vlag van die Comanche-nasie.

Die Comanche bestaan uit 'n aantal groepe: Yampareekuh, Penaterkuh, Nawjekuh, Kwerarenuh en Kutsoteko. Die stam se woongebied strek van die huidige Nieu-Meksiko, gedeeltes van Texas, Oklahoma, tot die suide van Colorado en Kansas. In hul bloeityd was die stam waarskynlik 20 000 lede sterk. Deesdae bestaan die stam uit ongeveer 10 000 lede.

Die naam Comanche kom van die Meksikane, wat hulle komantsia (vyand, vreemdelinge) genoem het. Hulle was die dominante stam op die Suidelike Vlaktes en het dikwels lede van swakker stamme tydens oorlogvoering gevange geneem. Hulle het ook jare lank teen die wit setlaars geveg, totdat hulle in 1875 oorgegee het.

Die stam se vroue het Indianetente gemaak en wilde aartappels, vrugte, neute en bessies versamel. Hulle het ook gekook, skoongemaak en klere gemaak. Die klere is van beer-, takbok-, bison-, buffel-, wolf- en coyote- (prêriewolf) velle gemaak.

Sien ook[wysig | wysig bron]

Verwysings[wysig | wysig bron]

  1. "2011 Oklahoma Indian Nations Pocket Pictorial Directory" (PDF). Oklahoma Indian Affairs Commission. 2011: 11. Verkry op 2 Januarie 2012.  Gaan datum na in: |date= (help)
  2. HAT Taal-en-feitegids, Pearson, Desember 2013, ISBN 978-1-77578-243-8

Eksterne skakels[wysig | wysig bron]