Comet (tenk)
Die Comet-tenk (Engels: Tank, Cruiser, Comet I (A34)) is 'n Britse tenk wat eers teen die einde van die Tweede Wêreldoorlog in diens gestel is tydens die Geallieerdes se inval van Duitsland. Die Comet is ontwikkel uit die vroeëre Cromwell-tenk en toegerus met die nuwe 17-ponder hoë-trompsnelheid kanon van 76,2 mm. Die skiettoring was laer en gedeeltelik gegiet. Die kanon was effektief teen die latere Duitse tenks, insluitend die Panther-tenk op medium afstand en die Tiger I-tenk.[1]
Die indiensstelling van die Comet het die Cruiser Mk VIII Challenger-tenk verouderd gemaak en het eindelik gelei tot die ontwikkeling van die Centurion-tenk. Wanneer die Comet pantserbreek-skeiklomp (APDS) munisie gebruik het, het dit beter pantserdeurdringingsvermoë gehad as die 75 mm KwK 42 kanon van die Panther-tenk.[2]
Die Comet is in Januarie 1945 in diens gestel en was in gebruik in die Britse Leër tot in 1958. Sommige van die Comets wat aan ander lande verkoop is, is tot in die 1980's gebruik.
Verwysings[wysig | wysig bron]
- ↑ Fletcher & Harvey (2006).
- ↑ Stone, John (2000). The Tank Debate: Armour and the Anglo-American Military Tradition. Harwood Academic Publishers. p. 70. ISBN 9058230457.
| Hierdie artikel is in sy geheel of gedeeltelik vanuit die Engelse Wikipedia vertaal. |
