Confessions of a Mask

in Wikipedia, die vrye ensiklopedie
Jump to navigation Jump to search
Belydenisse van 'n Masker
OuteurYukio Mishima
LandVlag van Japan Japan
TaalJapannees
GenreRoman
Uitgewer
Uitgegee1949
Letterkunde-portaal

Confessions of a Mask (仮面の告白 Kamen no Kokuhaku?) (Afrikaans: "Belydenisse van 'n Masker") is die tweede roman van die Japannese skrywer Yukio Mishima.

Dit was die eerste keer in 1949 gepubliseer, en het aan hom oombliklike roem besorg, alhoewel hy slegs in sy twintigerjare was.[1]

Storielyn[wysig | wysig bron]

Daar word na die protagonis in die verhaal verwys as Kochan, wat die diminutiewe vorm is van die skrywer se werklike naam, Kimitake. Aangesien die karakter grootword tydens die era van regse militarisme en imperialisme, sukkel hy van 'n baie jong ouderdom af om in te pas by die samelewing.

Soos Mishima, word Kochan gebore met 'n minder-as-ideale liggaam in terme van fisieke sterkte, en deur die eerste helfte van die boek (wat oor die algemeen 'n beskrywing is van Kochan se jeug) sukkel hy om in te pas by die Japannese samelewing.[2]

Kochan, wat 'n swakkeling is, en boonop ook nog homoseksueel is, word tydens sy grootword jare weggehou van seuns van sy eie ouderdom, en sodoende word hy derhalwe nie blootgestel aan wat die norm daarstel nie. Sy isolasie lei in alle waarskynlikheid tot sy toekomstige fassinasie en fantasieë van dood, geweld, en seks met dieselfde geslag.[3] Sommige het gewys op die ooreenkomste tussen die karakter en Mishima, en gepostuleer dat Mishima soortgelyk is aan die karakter.

Kochan is homoseksueel,[4] en binne die konteks van Imperiale Japan sukkel hy om dit vir homself te hou. In die vroeëre deel van die roman erken Kochan nog nie openlik dat hy aangetrokke voel tot mans nie, maar bely inderdaad dat hy die manlikheid en krag van mans bewonder terwyl hy geen behae in vroue het nie. Dit sluit 'n bewondering in vir Romeinse beeldhouwerke en standbeelde van mans in dinamiese fisiese posisies. Sommige het al geargumenteer dat die bewondering van manlikheid ten opsigte van Mishima outobiografies van aard is, aangesien hy self hard gewerk het aan sy natuurlik-swakgeboude liggaam ten einde 'n puik liggaamsbouer en manlike model te word.

In die eerste hoofstuk van die boek roep Kochan die herinnering van 'n prenteboek op toe hy vier jaar oud was. Selfs op daardie jong ouderdom het Kochan se aandag op byna pornografiese wyse geval op 'n enkele prent van 'n heroïese Europese ridder op sy perd, en het hy verlangend daarna gekyk en dit weggesteek; verneder en in die verleentheid wanneer andere sien wat hy doen. Wanneer sy oppasser hom meedeel dat die ridder eintlik Joan van Arckel is, word Kochan; wat wil hê dat die ridder 'n toonbeeld van manlikheid moet wees, vir altyd afgesit deur die prentjie; geïrriteerd dat 'n vrou manlike klere sou aantrek.

Die woord ‘masker’ is in die titel verweef as gevolg van die feit dat Kochan 'n eie valse persoonlikheid ontwikkel wat hy gebruik om homself voor te stel aan die wêreld. Hy ontwikkel van vroeg af 'n fassinasie met sy vriend Omi se liggaam tydens dié se puberteit, en hy glo dat almal om hom ook hul ware gevoelens van mekaar wegsteek en dat almal deelneem aan 'n uitvoerige 'teësinnige maskerade'. Soos hy groot word, probeer hy om verlief te word op 'n meisie genaamd Sonoko, maar word herhaaldelik getreiter deur sy latente homoseksuele drange, en kan hy haar nooit werklik liefhê nie.[5]

Notas[wysig | wysig bron]

Hierdie artikel is in sy geheel of gedeeltelik vanuit die Engelse Wikipedia vertaal.

Verwysings[wysig | wysig bron]

  1. "Confessions of a Mask". Encyclopedia of Japan. (2012). Tokyo: Shogakukan. URL besoek op 2012-04-14. 
  2. name="kokugo"> "仮面の告白 (Kamen no Kokuhaku)". Nihon Kokugo Daijiten (日本国語大辞典). (2012). Tokyo: Shogakukan. URL besoek op 2012-04-14. 
  3. name="nipponika"> "仮面の告白 (Kamen no kokuhaku)". Nihon Daihyakka Zensho (Nipponika) (日本大百科全書(ニッポニカ). (2012). Tokyo: Shogakukan. URL besoek op 2012-04-14. 
  4. name="enc"
  5. name="enc"