Yukio Mishima

in Wikipedia, die vrye ensiklopedie
Jump to navigation Jump to search
Yukio Mishima.jpg

Yukio Mishima (三島 由紀夫 Mishima Yukio) is die pennaam van Kimitake Hiraoka (平岡 公威 Hiraoka Kimitake, 14 Januarie 1925 – 25 November 1970), 'n Japannese outeur, digter, draaiboekskrywer, akteur, model, filmregisseur, nasionalis, en stigter van die Tatenokai.

Mishima word beskou as een van die belangrikste Japannese outeurs van die 20ste eeu. Hy is oorweeg vir die Nobelprys vir Literatuur in 1968, maar die prys is toegeken aan sy landgenoot, Yasunari Kawabata.[1]

Sy werke sluit die roman Confessions of a Mask , The Temple of the Golden Pavilion en die outobiografiese essay Sun and Steel in.

Mishima se werke word gekarakteriseer deur hul weelderige woordeskat en dekadente metafore, asook hul versmelting van tradisionele Japannese en moderne Westerse literêre style, en die obsessiewe daarstelling van die eenheid van prag, erotisisme en die dood.[2]

Hy was 'n velle kritikus van Marxistiese ideologieë en het 'n ongewapende burgerlike milisie gestig vir die uitgesproke doel om die keiser te verdedig in die geval van 'n revolusie deur Japannese kommuniste. Op 25 November 1970 het Mishima en vier lede van sy milisie 'n militêre basis in sentraal Tokio betree en die kommandant gyselaar geneem.

Hy en die lede van sy milisie het probeer om die soldate by die basis te oortuig om by hulle aan te sluit ter ondersteuning van die keiser en met die doel om Japan se pasifistiese grondwet tot niet te maak. Toe hierdie poging onsuksesvol was, het Mishima selfmoord gepleeg by wyse van seppuku.

Verwysings[wysig | wysig bron]

  1. Revealing the many masks of Mishima. The Japan Times. Opgespoor op 2014-05-12
  2. Andrew Rankin, Mishima, Aesthetic Terrorist: An Intellectual Portrait (Universiteit van Hawaii Uitgewers, 2018), bl. 119.