Convair B-58 Hustler

in Wikipedia, die vrye ensiklopedie
Jump to navigation Jump to search
Convair B-58 Hustler
B-58 (modified).jpg
Tipe Strategiese bomwerper
Vervaardiger Convair
Nooiensvlug 11 November 1956
Vrygestel 15 Maart 1960
Onttrek 31 Januarie 1970
Status Uit diens gestel
Hoofgebruiker Amerikaanse Lugmag
Aantal gebou 116

Die Convair B-58 Hustler was die wêreld se eerste supersoniese bomwerper. Dit was 'n Amerikaanse vliegtuig en ontwikkel om die Amerikaanse Lugmag se Boeing B-47 Stratojet te vervang. Die vliegtuig het sy nooiensvlug op 11 November 1956 en in Desember van dieselfde jaar sy eerste supersoniese vlug voltooi. Daar was 116 eenhede gebou insluitend 30 toets en voor produksie modelle.

Die vliegtuig was ontwerp in antwoord op 'n moeilike spesifikasie van Amerika se Strategic Air Commands, van die bepalings was dat die bomwerper teen Mach 2 moes vlug op hoë hoogtes, kernkrag bomme akkuraat moes kan laat val en so klein as moontlik wees om vyandelike radar te kan ontwyk. Die vliegtuig met al sy wapens, toerusting en stelsels was vir die eerste beskou as een unieke wapen stelsel en die vervaardiger, Convair, was verantwoordelik dat alles ge-integreer word en werk. Dit het beteken dat nuwe terreine betree moes word en het ook tot vertragings in aflewering gelei. Dit het ook tot gevolg gehad dat baie nuwe tegnologie gebruik is vir die ontwikkeling van die vliegtuig. Daar was gebruik gemaak van hittebestande, vlekvrye staal, heuningkoek vormige panele vir die vlerke en romp.