Cornwall, Ontario

in Wikipedia, die vrye ensiklopedie
Jump to navigation Jump to search
Cornwall
Stad
Cornwall ON 1.JPG
Vlag van Cornwall
Vlag
Ligging van Cornwall in Ontario, Kanada
Ligging van Cornwall in Ontario, Kanada
Koördinate: 45°01′39″N 74°44′24″W / 45.02750°N 74.74000°W / 45.02750; -74.74000Koördinate: 45°01′39″N 74°44′24″W / 45.02750°N 74.74000°W / 45.02750; -74.74000
LandVlag van Kanada Kanada
ProvinsieOntario
Stigting1784
Regering
 • BurgemeesterBob Kilger
Oppervlak
 • Stad61,52 km2 (23,75 vk, m,)
 • Metro
509,03 km2 (196,54 vk, m,)
Hoogte
64 m (209,97 ft)
Bevolking
 • Stad46 340
 • Digtheid753,2/km2 (1 951/vk, m,)
 • Metro
58 957
 • Metrodigtheid115,8/km2 (300/vk, m,)
TydsoneUTC-05:00 (EST)
 • SomertydUTC-04:00 (EDT)
Poskode
K6H, K6J
Skakelkodes613 en 343
Webwerfcornwall.ca

Cornwall is 'n stad in die suidooste van die Kanadese provinsie Ontario, sowat 100 kilometer van Ottawa en Montréal. Cornwell lê teen die Saint-Laurentrivier, digby die grens van Québec. Die stad met sowat 46 340 inwoners (metropolitaanse gebied: 58 957, 2011) is die hoofkwartier van die Seaway Authority. Die Seaway International-brug verbind die stad met Massena, New York, in die VSA.

Die tekstiel- en papiernywerheid is die vernaamste werkgewers. Die waterkragsentrale by die Moses-Saunders Power Dam word deur 'n Kanadese en 'n Amerikaanse maatskappy beheer en lewer jaarliks meer as twee miljoen kWh op. In die middel van die damwal met 'n lengte van 985 meter word die Kanadees-Amerikaanse grenslyn deur 'n vlag gemerk.

Die eerste nedersetters in Cornwall was Lojaliste uit New York, wat in 1784, tydens die Amerikaanse Rewolusionêre Oorlog, na Kanada vlug. Die stad se vroeëre naam New Johnstown word ter ere van Prins George, hertog van Cornwall, gewysig. Cornwall het 'n groot persentasie Franstalige inwoners (31,5 persent in 2001).

Die Upper Canada Village is 'n opelugmuseum wat die tydperk rondom die jaar 1860 behandel. Ambagsmanne in historiese kleredrag wys hoe in dié tyd skoene, meubels en ander voorwerpe vervaardig is. Saag- en koringmeulens en 'n bakkery kan eweneens besoek word.