D.C.H. Uys

Dirk Cornelius Uys (gebore op 15 Mei 1909, oorlede op 20 November 1995 te Bredasdorp in Suid-Afrika) was 'n Suid-Afrikaanse politikus, lid van die Nasionale Party en parlementslid van 1948 tot 1972. Hy was Minister van Landbousake en Handel (1958 - 1966) in die Verwoerd-regering, Minister van Lande en Grondsake (1964 - 1968) onder Verwoerd en sy opvolger John Vorster, en laastens Minister van Landbou (1968 - 1972) en water (1968) in die Vorster-regering.

Biografie

Dirk Uys jnr. was die seun van Dirk Cornelius Uys en Susanna Maria van Papendorf. Hy was getroud met Ellen Gertruida Walters (1911-1994) en hulle het tussen 1936 en 1945 drie kinders gehad.

As kandidaat in 1948 in die kiesafdeling Hermanus-Bredasdorp, word hy verkies tot die parlement teen die sittende Pieter van der Byl. Vyf jaar later, in 1953, na die herverdeling van die kiesafdelings, word hy verkies in die nuwe kiesafdeling van Caledon-Bredasdorp en toe vir Valsbaai in 1958.

In 1958 tree hy toe tot die Verwoerd-regering as Minister van Landbousake en Handel (1958-1966). Tot 1972 het hy ook die land- en grondsake-portefeuljes (1964-1968) sowel as landbou en water (1968-1972) bestuur.

Van 1970 tot 1972 was hy 'n lid van die Senaat van die Republiek van Suid-Afrika.

Hy verlaat die politieke lewe in 1972 en is op 20 November 1995 in Bredasdorp op 86-jarige ouderdom oorlede.