Dave Pepler

in Wikipedia, die vrye ensiklopedie
Jump to navigation Jump to search
Dave Pepler
Beroep Omgewingskundige
Bekend vir TV-aanbieder en omgewingsaktivis

David Pepler (noemnaam Dave) is 'n Suid-Afrikaanse omgewingskundige en TV-aanbieder. Hy verwerf bekendheid as aanbieder van kykNET se program Groen, wat die eerste keer op 5 Januarie 2004 gebeeldsend is.[1]

Beknopte biografie[wysig | wysig bron]

Pepler is op Robertson in die Wes-Kaap gebore. Hy matrikuleer aan die Hoërskool Robertson waarna hy bosbou aan Saasveld studeer. Hy ontvang later 'n M.Phil. in soölogie (dierewetenskap) van Cambridge-universiteit. Tot sy aftrede in 2005 was hy senior lektor aan die Universiteit Stellenbosch se departement van omgewingsake en ekologie. In 2007 word hy met die Stevenson Hamilton-prys vir sy buitengewone bydrae tot soölogie bekroon.

Bibliografie[wysig | wysig bron]

Sy boek, Immergroen: Stories oor plante (ISBN 9780798150934), met foto's deur Lien Botha, is in 2009 deur Human & Rousseau uitgegee. Die boek is sedertdien in Engels vertaal.

Verwysings[wysig | wysig bron]

  1. Profiel op tvsa.co.za, besoek op 14 Augustus 2012

Eksterne skakels[wysig | wysig bron]