De Troubadour
| "De troubadour" | |
|---|---|
| Snit deur Lenny Kuhr | |
| Taal | Nederlands |
| Komponis(te) | David Hartsema |
| Lirici | Lenny Kuhr |
De troubadour ("Die troebadoer") is 'n Nederlandse lied deur Lenny Kuhr. Dit het Nederland verteenwoordig tydens die Eurovision-sangfees van 1969. Dit was een van vier wenners die jaar. Die ander was "Vivo cantando", "Boom Bang-a-Bang" en "Un jour, un enfant" van respektiewelik Spanje, die Verenigde Koninkryk en Frankryk.
Dit is 'n ballade wat beide musikaal en liries geïnspireer is deur "folk-song" tradisies. Kuhr sing oor 'n troebadoer van die Middeleeue, en beskryf die impak wat die musiek op sy gehore gehad het. Kuhr het ook die liedjie in Engels (as "The Troubadour"), Frans ("Le troubadour"), Duits ("Der Troubadour"), Italiaans ("Un cantastorie") en Spaans ("El trovador") opgeneem. Die 1969-kompetisie is in Madrid, Spanje gehou tydens Francisco Franco se bewind; 5 jaar na die Eurovision-sangfees het Kuhr die liedjie opgeneem met gewysigde Nederlandse lirieke onder 'n nuwe titel, "De generaal", wat 'n eerbewyse was aan die Nederlandse nasionale sokkerafrigter Rinus Michels, wat deur die spelers van die Nederlandse span so genoem is.
Die liedjie is die aand agtste opgevoer, na die Verenigde Koninkryk se Lulu met "Boom Bang-a-Bang" en voor Swede se Tommy Körberg met "Judy, min vän". Teen die tyd dat die stemming gesluit het, het dit 18 punte ontvang, wat dit in die gesamentlike eerste plek geplaas het in 'n veld van 16. Aangesien die Nederlandse inskrywing in 1968 in die gesamentlike laaste plek was, het Nederland dus die seldsame prestasie behaal om in die bestek van een jaar van die gesamentlike laaste plek na die gesamentlike eerste plek te vorder.
