Dendrochronologie

in Wikipedia, die vrye ensiklopedie
Jump to navigation Jump to search
Vergelyking van jaarringe in drie stukke hout


Dendrochronologie is die studie van jaarringe wat tydens die diktegroei van hout gevorm word.

Die doel van die dendrochronologie is om aan elke jaarring die juiste kalenderjaar toe te wys waarin dit gevorm is en daarmee die ouderdom van die hout waaruit 'n voorwerp gemaak is presies te bepaal. Dendrochronologiese datering is 'n belangrike hulpwetenskap van die argeologie.

Dit is nie moontlik om hierdie doel te bereik deur eenvoudig die jaarringe te tel nie. Pleks daarvan word die volgorde van dik en dun ringe vergelyk met wat in ander stukke hout aangetref word om deur kruisdatering die juiste ouderdom vas te stel. Die dikte van die jaarringe wissel van jaar tot jaar afhanklik van die weersomstandighede in 'n bepaalde gebied, maar by individuele bome kan ook ringe ontbreek of valse ringe optree.[1]

Dendrochronologiese gegewes word gebruik as kalibrasie van die koolstof-14-dateringsmetode.

Verwysings[wysig | wysig bron]