Desimale plekke

in Wikipedia, die vrye ensiklopedie

In wiskunde is die desimale plekke van 'n getal 'n aanduiding van die noukeurigheid waarmee die getal weergegee word. Dit verwys na die aantal syfers, wat na die desimale komma volg, wat behou word. Dus is 0,123 'n getal met drie desimale plekke, en die waarde van π is 3,14 tot twee desimale plekke. 'n Verwante begrip is die beduidende plekke, wat dieselfde as desimale plekke is behalwe dat mens nie na die komma begin tel nie, maar by die eerste syfer wat nie nul is nie.

Desimale afronding[wysig | wysig bron]

Mens kan 'n getal tot 'n sekere aantal desimale plekke afrond. 'n Getal wat tot n desimale plekke afgerond word is gelyk aan die naaste ander getal wat slegs n desimale plekke het.

Voorbeelde[wysig | wysig bron]

  • 7,6562 afgerond tot 0 desimale plekke is 8 (dis gewone afronding)
  • 7,6562 afgerond tot 1 desimale plek is 7,7
  • 7,6562 afgerond tot 2 desimale plekke is 7,66
  • 7,6562 afgerond tot 3 desimale plekke is 7,656

Sien ook[wysig | wysig bron]

Bronne[wysig | wysig bron]