Dierkundegebou UP

in Wikipedia, die vrye ensiklopedie
Spring na: navigasie, soek

Die Dierkundegebou, op die Hatfieldkampus van die Universiteit van Pretoria, is in ’n eenvoudige Renaissance-styl gebou, wat soortgelyk is aan die Ou Chemiegebou. In 1920 het die Kollegeraad die bedrag van £40 000 van die regering bekom om ’n tweede Wiskunde-en-Wetenskapgebou te bou, maar omdat dit nooit gebeur het nie moes die fondse van voor af gewerf word. Die raad het weer die regering genader, en omdat geld skaars was is fondse eers beskikbaar gemaak word toe die gebou byna voltooi was in 1924. Oor die jare is verskeie uitbreidings gedoen en die argitekte Gerard Moerdyk en H. Watson het seker gemaak dat die uitbreidings met die oorspronklike styl ooreenstem. Die laaste uitbreiding, wat in 1957 gedoen was, het later ’n aparte gebou geword, wat tans die Geografiegebou is. Die oorspronklike gebou huisves nou die Departement Dierkunde en Entomologie.[1]

Verwysings[wysig | wysig bron]

Koördinate: 25°45′14″S 28°13′51″O / 25.753757°S 28.230832°O / -25.753757; 28.230832