Distimie

in Wikipedia, die vrye ensiklopedie
Distimie
Klassifikasie en eksterne bronne
ICD-10 F34.1
ICD-9 300.4
MedlinePlus   000918
MeSH D019263
Mediese waarskuwing

Distimie (van die Antieke Griekse δυσθυμία, "melancholie"), ook chroniese depressie genoem, is ’n gemoedstoestand wat dieselfde geestes- en fisieke probleme veroorsaak as depressie, met minder maar langerdurende simptome.[1][2] Die naam is in die laat 1970's geskep deur dr. Robert Spitzer as plaasvervanger vir die term "depressiewe persoonlikheid".[3]

Volgens die diagnostiese handleiding DSM-IV van 1994 word distimie beskou as ’n ernstige toestand van chroniese depressie wat langer as twee jaar duur (een jaar vir kinders en adolessente); dit is minder ernstig as kliniese depressie.[4] Omdat distimie ’n chroniese toestand is, kan iemand jare lank daaraan ly voordat dit gediagnoseer word, indien dit gediagnoseer word. Hulle kan dink dit is deel van hul karakter en dit nie eens bespreek met hul dokter, familie of vriende nie.

Distimie kom dikwels voor saam met ander geestesteurings. ’n "Dubbele depressie" is episodes van kliniese depressie saam met distimie. Periodes van distimie en hipomaniese gemoedstoestande kan mekaar afwissel en lei tot ’n ligte variasie van bipolêre gemoedsteuring.

Die DSM-5, die vyfde uitgawe van die , is in Mei 2013 gepubliseer en sluit ’n paar veranderings in. Daarvolgens word distimie vervang met volhardende depressiewe steuring. Dié nuwe toestand sluit beide kliniese depressie en die vorige diagnise van distimie in. Die rede daarvoor is dat daar geen bewyse is van ’n verskil tussen die twee toestande nie.[5]

Verwysings[wysig | wysig bron]

  1. Gilbert, Daniel T.; Schacter, Daniel L.; Wegner, Daniel M., reds. (2011). Psychology (2nd uitg.). New York: Worth Publishers. p. 564. ISBN 978-1-4292-3719-2.
  2. "Dysthymic Disorder" (in Engels). BehaveNet. Geargiveer vanaf die oorspronklike op 15 April 2019. Besoek op 23 Junie 2013.
  3. Brody, Jane (30 Januarie 1995). "Help awaits those who live with sadness". The News-Journal. Daytona Beach, Florida. p. 54.
  4. "Dysthymia". Harvard Health Publications. Harvard University. Februarie 2005. Geargiveer vanaf die oorspronklike (Februarie 2005 uitgawe van die Harvard Mental Health Letter) op 6 Januarie 2010. Besoek op 12 Desember 2009.
  5. John M. Grohol, Psy.D. (18 Mei 2013). "DSM-5 Changes: Depression & Depressive Disorders" (in Engels). Psych Central. Geargiveer vanaf die oorspronklike op 29 Mei 2014. Besoek op 2 Desember 2013.