Djamarat-brug
Die Djamarat-brug (Arabies: جسر الجمرات Djisr Al-Djamarat) is ’n voetgangerbrug in Mina, naby Mekka in Saoedi-Arabië, wat deur Moslems gebruik word vir die steniging van die duiwel tydens die hadj. Dit stel pelgrims in staat om klippies na die drie pilare (djamarat) te gooi, óf vanaf die vyf vlakke van die brug óf op die grondvlak. Die woord beteken letterlik "klippie".
Die brug is oorspronklik in 1963 gebou en is sedertdien verskeie kere vergroot. Tot in 2006 het die brug uit ’n enkele vlak bestaan (dus ’n grond- en brugvlak). Met tye is daar ’n paar miljoen mense op die brug en dit lei soms tot noodlottige ongelukke.[1]
Nuwe brug[wysig | wysig bron]
Ná die hadj in Januarie 2006 is die ou brug gesloop en begin met die bou van ’n nuwe, veelvlakkige brug. Die grondvlak en onderste vlakke is voor die volgende hadj voltooi en die oorblywende twee vlakke sedertdien.
Die brug bevat die drie pilare, wat verleng is tot mure, en bykomende opgange en tonnels is gebou om bottelnekke te voorkom. Die pilare steek uit drie openinge op die brug uit.
Veiligheid[wysig | wysig bron]
Die baie mense op die brug kan gevaarlik wees en tot sterftes lei. Dit word vererger deur die feit dat die steniging op die laaste dag van die hadj plaasvind en sommige pelgrims hul bagasie saambring.
- Op 23 Mei 1994 is 270 mense in ’n samedromming dood.
- Op 9 April 1998 is minstens 118 pelgrims doodgetrap en 180 beseer.[2]
- Op 5 Maart 2001 is 35 pelgrims doodgetrap.
- Op 11 Februarie 2003 is 14 mense dood met die steniging van die duiwel.[3]
- Op 1 Februarie 2004 is 251 pelgrims dood en nog 244 beseer in ’n samedromming.[4]
- Op 12 Januarie 2006 is minstens 346 mense dood en nog minstens 289 beseer.
- Op 24 September 2015 is tussen 1 100[5] en 2 431 mense dood en 934 beseer[6][7] in die tentedorp by Mina naby die brug.
Verwysings[wysig | wysig bron]
- ↑ Deadly Mecca-crush Blamed on Bridge-Bottleneck Sydney Morning Herald, 13 Januarie 2006
- ↑ "BBC News – MIDDLE EAST – Saudis identifying nationalities of 118 dead pilgrims". bbc.co.uk (in Engels). Geargiveer vanaf die oorspronklike op 2 September 2017.
- ↑ "BBC NEWS – Middle East – Fourteen killed in Hajj stampede". bbc.co.uk (in Engels). Geargiveer vanaf die oorspronklike op 19 Oktober 2019.
- ↑ "BBC NEWS – Middle East – Hundreds killed in Hajj stampede". bbc.co.uk (in Engels). Geargiveer vanaf die oorspronklike op 19 Oktober 2019.
- ↑ Piggott, Mark (26 September 2015). "Hajj stampede death toll 'rises to 1,100' as Saudi Arabia faces criticism over safety record". itv (in Engels). Geargiveer vanaf die oorspronklike op 3 September 2019. Besoek op 28 September 2015.
- ↑ "Hajj stampede: At least 717 killed in Saudi Arabia" (in Engels). 24 September 2015. Geargiveer vanaf die oorspronklike op 21 Desember 2019.
- ↑ Browning, Noah (27 September 2015). "Haj death toll rises to 769, Iran denounces 'crime'" (in Engels). Dubai: Reuters. Geargiveer vanaf die oorspronklike op 26 September 2015.
Eksterne skakels[wysig | wysig bron]
Wikimedia Commons het meer media in die kategorie Djamarat-brug.
Hierdie artikel is vertaal uit die Engelse Wikipedia
