Dooiegeld

Dooiegeld word in ’n begraafplaas verbrand.

Dooiegeld of offergeld (冥幣, 紙錢, 金紙) is rituele "geld" in die vorm van banknote of munte wat ’n rol speel in die Oos-Asiatiese verering van voorouers, veral in Taoïsme in China. Die "geld" word op spesiale geleenthede verbrand in die geloof dat dit nie sal verdwyn nie, maar dat die ware item in die doderyk beskikbaar sal word aan die voorouers en dat hulle dit sal kan gebruik om goedere mee te koop.

Die note is gewoonlik in die geldeenheid van die land waar dit gebruik word en het ’n afbeelding van die Jadekeiser of ander mense uit die Chinese mitologie op, maar soms ook ander bekende mense wat oorlede is.

In die moderne tyd word ook nagemaakte kredietkaarte verbrand.

Eksterne skakels

• Hierdie artikel is vertaal uit die Nederlandse Wikipedia