Douglas Fuchs

in Wikipedia, die vrye ensiklopedie
Jump to navigation Jump to search
Douglas Fuchs
Geboortenaam Carl Douglas Fuchs
Geboorte ~1914
Nasionaliteit Suid-Afrika
Sterfte 18 Augustus 1998
Indiese Oseaan
Beroep(e) Omroeper, akteur, kultuurleier
Internet-rolprentdatabasis-profiel

Douglas Fuchs was 'n Suid-Afrikaanse akteur, een van die eerste voltydse Afrikaanse omroepers, direkteur-generaal van die SAUK, 'n lid van die Appèlraad op Publikasies en 'n Afrikaanse kultuurleier.

Fuchs het in 1935 'n graad in die lettere aan die Universiteit van Kaapstad voltooi waarna hy by die SAUK as een van die eerste Afrikaanse omroepers aangesluit het. Hy was ook betrokke by die begin van die televisiediens in Suid-Afrika, hoewel hy afgetree het toe daar met uitsendings begin is. By sy aftrede in 1975 was hy die direkteur-generaal van die SAUK gewees.

Hy het die Dekorasie vir Voortreflike Diens (Silwer) van die staatspresident ontvang.

In 1958 het die FAK sy voorstel vir 'n Afrikaanse taalfeestema: "Die Wonder van Afrikaans" aanvaar. Hy was 'n aanbieder van opvoerings by die Voortrekkermonument tydens die feesvieringe in 1959 gewees.

Hy sterf in 1998 tydens 'n bootreis op die Symphony op die Indiese Oseaan.[1]

Filmografie[wysig | wysig bron]

Verwysings[wysig | wysig bron]