Drie Koninkryke

in Wikipedia, die vrye ensiklopedie
Jump to navigation Jump to search
Three Kingdoms tomb brick.JPG
Three Kingdoms tomb brick2.JPG
Three Kingdoms tomb brick3.JPG
Versierde stene uit die tydperk van die Drie Koninkryke, uit die muur van ’n ondergrondse grafkelder.

Die Drie Koninkryke (220280 n.C.) was ’n driedelige opset van die state Wei (魏), Shu (蜀) en Wu (吳) nadat die Han-dinastie sy mag in China verloor het. Dit was die begin van die Tydperk van Onenigheid. Om ’n verdere onderskeid te tref tussen dié drie state en ander historiese state met dieselfde naam, het historici ’n ekstra karakter bygevoeg: Wei is ook bekend as Cao Wei (曹魏), Shu as Shu Han (蜀漢) en Wu as Oostelike Wu (東吳).

Die term "Drie Koninkryke" is misleidend, want die state is nie deur konings regeer nie, maar deur keisers wat aanspraak gemaak het op die nalatenskap van die Han-dinastie. Die term "Drie Koninkryke" word egter algemeen gebruik.

Geskiedenis[wysig | wysig bron]

In ’n streng akademiese sin verwys die term na die tydperk tussen die stigting van die staat Wei in 220 n.C. en die verowering van die staat Wu deur die Jin-dinastie in 280. Die eerste, nie-amptelike deel van die tydperk, van 184 tot 220, word gekenmerk deur wanordelike gevegte tussen krygshere in verskeie dele van China. Die middelste deel van die tydperk, van 220 tot 263, word gekenmerk deur ’n militêr stabieler ooreenkoms tussen die drie strydende state. Die laaste deel word gekenmerk deur die verval van die driedelige opset ná die verowering van Shu deur Wei in 263, die omverwerping van Wei deur die Jin-dinastie in 265 en die verowering van Wu deur Jin in 280.

Die tydperk van die Drie Koninkryke was een van die bloedigste tydperke in die Chinese geskiedenis. ’n Sensus tydens die laat Oostelike Han-dinastie dui op ’n bevolking van sowat 50 miljoen, terwyl ’n sensus tydens die vroeë Westelike Jin-dinastie ’n bevolking van sowat 16 miljoen aangee.[1]

Verwysings[wysig | wysig bron]

  1. de Crespigny, Rafe (November 2003). "The Three Kingdoms and Western Jin: A history of China in the Third Century AD". Australian National University. Besoek op 2007-10-29.

Eksterne skakels[wysig | wysig bron]