Du Toitskloofpas

in Wikipedia, die vrye ensiklopedie
Jump to navigation Jump to search
Du Toitskloofpas
’n Beeld van die betrokke bergpas.
Padteken wat die hoogste punt uitwys.

Ligging Tussen Paarl en Worcester
Hoogte 820 m
Voltooi in 1949
In Drakenstein
Pad R101

Die Du Toitskloofpas is 'n bergpas oor die Klein Drakensteinberge. Dit vorm sedert die opening van die Hugenotetonnel in 1988 nie meer deel van die N1 nasionale pad nie.

Geskiedenis[wysig | wysig bron]

Uitsig vanaf die pas.
Deel van die pas.

Hierdie pas is in 1949 deur die destydse eerste minister, dr. D.F. Malan, geopen. Dit is ontwerp deur siviele ingenieur Pieter Agricola de Villiers, wat kort daarna ook die Outeniquapas beplan het. Die Du Toitskloofpas is in die middel van die 20ste eeu beskryf as een van die grootste ingenieursprestasies van daardie tyd. Konstruksiewerk het 7 jaar geduur en aanvanklik is van Italiaanse krygsgevangenes vir die bouery gebruik. Hierdie moderne snelweg tussen die Paarl en Worcester was 37km lank en 12 nuwe brûe moes gebou word. Met die grootste veiligheid kon 'n spoed van 80k.p.u. gehandhaaf word, is toe gesê. Die hoogste punt van die pas is 820m bo seevlak en die maksimum helling is 1:15. [1] Veral die tonnel van 240m lank was skouspelagtig. In sewe maande is 25 000 ton rots verwyder en die gevolg was die langste tonnel in die land op daardie stadium.

Bron[wysig | wysig bron]

  • Lantern, jaargang 1, no. 1. Augustus 1949
  1. Passes & Poorts. Marion Whitehead. 2010 ISBN 978-1-77009-805-3

Koördinate: 33°41′47″S 19°4′13.26″O / 33.69639°S 19.0703500°O / -33.69639; 19.0703500