Dubbele heliks

in Wikipedia, die vrye ensiklopedie
Jump to navigation Jump to search
Links is twee enkele helikse wat om mekaar draai en regs die dubbele heliks van DNS.
’n Spiraal binne ’n spiraal (dubbele spiraal), soos in sommige gloeilampe.

’n Dubbele heliks (in Grieks beteken hélix "draaiing", "spiraal") is ’n geometriese figuur waar die spiraal dubbel is, in teenstelling met ’n enkele heliks. Twee soorte kan onderskei word:

  1. Twee enkele helikse wat los om mekaar draai, of wat met mekaar verbind is soos in DNS;
  2. ’n Enkele string wat ’n spiraal vorm wat weer ’n heliks met ’n groter radius vorm, soos in sommige gloeilampe.

Biochemie[wysig | wysig bron]

In biochemie word die term meestal vir die twee enkele helikse gebruik. Hier loop twee parallelle spirale van makromolekules in ’n skroefvorm om mekaar. Die bekendste voorbeeld is die dubbele heliks van DNS. Hulle word aan mekaar verbind deur nukleotiede wat basispare vorm.[1] In B-DNS, die algemeenste dubbelheliksstruktuur wat in die natuur aangetref word, is die dubbele heliks regsom, met sowat 10-10,5 basispare per draai.[2]

Tegniek[wysig | wysig bron]

Die gloeidraad in ’n gloeilamp bestaan uit ’n enkele string wat ’n spiraal vorm wat weer ’n heliks met ’n groter radius vorm. So kan ’n lang draad in ’n klein ruimte geberg word.

Verwysings[wysig | wysig bron]

  1. Alberts (1994). The Molecular Biology of the Cell. New York: Garland Science. ISBN 978-0-8153-4105-5. 
  2. Wang JC (1979). “Helical repeat of DNA in solution”. PNAS 76 (1): 200–203. doi:10.1073/pnas.76.1.200.

Eksterne skakels[wysig | wysig bron]