Eben Cruywagen

in Wikipedia, die vrye ensiklopedie
Jump to navigation Jump to search

Eben Cruywagen is een van vier kinders. Hy is bekend as digter en skrywer van radioverhale.

Lewe en Werk[wysig | wysig bron]

Sy ouers is albei onderwysers. Hy word op Randfontein groot, waar hy sy skoolopleiding aan die plaaslike laerskool ontvang. Sy hoërskooljare bring hy op Amanzimtoti in Natal deur en hy matrikuleer in 1974 aan die Hoërskool Kuswag,[1] waar hy die eerste hoofseun is.[2] Hy studeer aan die Universiteit van Stellenbosch, waar hy die B.A. Drama-graad behaal. Hy is hierna vir ’n jaar akteur by die Kaapse Raad vir Uitvoerende Kunste (KRUIK) en aanvaar daarna ’n pos as omroeper by Radio Port Natal. Hy behaal in 1992 die M.A.-graad in Drama aan die Universiteit van Durban-Westville met ’n verhandeling oor “The radio drama and the radio feature in South Africa: a comparative study”. Nadat hy ’n toets by die destydse Radio Suid-Afrika aflê, word hy as omroeper by hierdie stasie (later Radiosondergrense) aangestel en hy werk vanuit die Seepunt-kantore. Hier koördineer hy opvoedkundige programme en doen gereeld die regie van radiodramas en radiovervolgverhale. Hy verwerf in 1999 sy doktorsgraad (D.Phil.-graad) in Drama aan die Universiteit van Stellenbosch met ’n proefskrif oor “Luister-leer: die opvoedkundige moontlikhede van die hoorspel in Suid-Afrika”. Hy is op deeltydse basis lektor aan die Universiteit van Stellenbosch se Departement van Drama.[3] Hy woon in Bellville saam met sy vrou, Theresa.

Skryfwerk[wysig | wysig bron]

Hy stel die versamelbundel “Droomskip en ander radiodramas” saam. Van sy gedigte word opgeneem in die versamelbundel “Nuwe verset”. Hy skryf ook radiovervolgverhale en “Die Maansfaktor” word oor die senders van Radiosondergrense uitgesaai. Hierin is Maans Swiegers ’n oud-onderwyser wat sy pa se ysterwarewinkel in Rondebosch bestuur. Verder verwerk hy ook onder andere A.R. Gurney se “Kysbriewe”, Bartho Smit se “Putsonderwater” en Franz Kafka se “’n Verslag aan ’n Akademie” vir Radioteater.[4]

Publikasies[wysig | wysig bron]

2009 – Droomskip en ander radiodramas (samesteller)

Verwysings[wysig | wysig bron]

Tydskrifte en Koerante[wysig | wysig bron]

  • Beyers, Susanne “Radioverhale is in Eben se bloed” “Die Burger” 14 November 2003

Internet[wysig | wysig bron]

Ander verwysings[wysig | wysig bron]