Eben van Renen

Eben van Renen (* 23 Augustus 1976) is 'n Suid-Afrikaanse wetenskapfiksieskrywer.

Agtergrond en Opvoeding

Eben van Renen is gebore op 23 Augustus 1976 in Sasolburg, Vrystaat, Suid-Afrika. Hy martrikuleer in 1995 aan Hoërskool Table View en verwerf sy Hoër Diploma in Onderwys aan die Onderwyskollege Boland. Later verhuis hy na Kanada met sy vrou Natalie, wat hy in Engeland ontmoet het. Uit die huwelik is 'n dogter gebore. Eben van Renen en sy gesin woon tans in Campbell River, Brits-Columbië, Kanada. Hy is tans druk besig om te studeer aan sy meestersgraad.

Werk

Eben van Renen is tans werksaam as onderwyser in Skool Distrik 72 Campbell River op Vancouver-eiland, Brits-Columbië, Kanada.

Skryfwerk

Eben van Renen skryf al van 'n jong ouderdom af en het ook heelwat artikels geskryf rondom Afrikaanse wetenskapfiksie en het in Oktober 2011, sy eerste volwaardige Afrikaanse wetenskapfiksie roman getiteld Arwantië 2953 gepubliseer wat deur die bekende skrywer Ilse Steyn (Liefde in die Ruimte; Prinses in die Ruimte)soos volg beskryf is:

Die meeste van ons verwag van ‘n wetenskapfiksieskrywer om vir ons ‘n ander wêreld met herkenbare karakters en interessante probleme te skep. Eben van Renen het hierdie uitdaging ver oortref want hy het die wêreld en sy mense ‘n uitgebreide geskiedenis gegee, tegnologie wat so verduidelik word dat dit sin maak, ‘n hele skala aan wapens, groot probleme en ‘n onoorwinlike vyand. En hoe daardie vyand uiteindelik aangepak word is ‘n triomf vir hierdie skrywer se verbeelding en my simboliese hoed laat afhaal en ‘n diep buiging maak.

Eben van Renen is tans besig om in sy vrye tyd te werk aan sy tweede roman.