Egiptoloog

'n Egiptoloog is iemand wat Egiptologie studeer en wat in Antieke Egipte spesialiseer.

Binne die egiptologie bestaan verskillende spesialiserings. 'n Papiroloog is iemand wat die tekste op papirus bestudeer. 'n Demotisant hou hom besig met Demoties, een van die taalfases van die Antieke Egiptiese skryfstelsels. 'n Epigraaf is iemand wat Antieke Egiptiese tekste en reliëfs kopieer en interpreteer.

Die grondslag van Egiptologie is in die vroeë 19de eeu gelê, toe Jean-François Champollion daarin geslaag het om die Egiptiese hiërogliewe en grammatika met behulp van die Rosettasteen te ontrafel. Hy het dit vir die moderne beskawing moontlik gemaak om vir die eerste keer hiërogliewe te lees. Sy boek Précis du Système Hieroglyphique het gelei tot die ontsyfering van duisende inskripsies, wat weer gelei het tot baie meer kennis oor Antieke Egipte en 'n groot openbare belangstelling in die kultuur. 'n Paar historici het toe spesifiek op Egiptologie begin fokus, en aparte leerstoele vir Egiptologie is by verskeie universiteite ingestel.

Egiptoloë

Belangrike egiptoloë uit die verlede is Jean-François Champollion (1790-1832), Flinders Petrie (1853-1942) en Howard Carter (1874-1939).

Fiktiewe egiptoloë

Evelyn Carnahan (The Mummy)
Lara Croft (Tomb Raider)
Daniel Jackson (Stargate en Stargate SG-1)
Indiana Jones (Raiders of the Lost Ark)
Sarah Page (Primeval)
Philomenus Siclone (Die avonture van Kuifje: Die sigaren van die farao)
Zeno Terpsta was 'n egiptoloog uit die televisiejeugreeks Die Huis Anubis wat deur Hero Muller vertolk word.