Elektroniese dokument
'n Elektroniese dokument is 'n rekenaarlêer wat bedoel is vir gebruik in elektroniese formaat sowel as in gedrukte formaat. Met die ontstaan van rekenaars was afvoer noodwendig op papier gedruk, maar met die koms van rekenaarnetwerke het dit meer gerieflik geword om elektroniese dokumente eerder as gedrukte dokumente tussen gebruikers te deel.
Dit is altyd raadsaam vir gebruikers om 'n rugsteunkopie (backup) van hul rekenaarlêers te maak, aangesien lg. maklik beskadig (corrupt) kan word (of selfs van die stelsel af verdwyn), bv. tydens 'n kragonderbreking op die hoofraam of persoonlike rekenaar.
