Engine Alliance GP7000

in Wikipedia, die vrye ensiklopedie
Jump to navigation Jump to search

Die Engine Alliance GP7000 is'n turbowaaierstralerenjin wat deur Engine Alliance vervaardig word. Dit is een van die kragbronopsies wat beskikbaar is vir die Airbus A380, saam met die Rolls-Royce Trent 900.

Ontwerp en ontwikkeling[wysig | wysig bron]

'n Engine Alliance GP7000 turbowaaier gereed vir installasie op 'n Airbus A380

Die enjin was oorspronklik bedoel om Boeing Commercial Airplanes se gekanselleerde 747-500X/-600X aan te dryf, maar sedertdien is dit aangewend op die Airbus A380-800 superjumbo. Dit is gebou op 'n 0.72 skaal van die GE90-110B/115B kern [1] en bevat 'n Pratt & Whitney waaier en 'n laedrukstelselontwerp.

Die kompetisie se Rolls-Royce Trent 900 is aangewys as die hoofenjin vir die A3XX in 1996 en is aanvanklik deur byna al die A380-kliënte gekies. Maar die GE/PW-enjin het in 2007 sy deel van die A380-enjinmark tot 47% van die superjumbovloot opgestoot. Hierdie verskil in verkope is in 'n enkele transaksie vermag, toe Emirates Airline in die orde van 55 GP7000-aangedrewe A380-800's bestel het, meer as een kwart van die A380 verkope (soos in September 2007). Emirates was tradisioneel 'n Rolls-Royce kliënt. A380 vliegtuie wat aangedryf word deur die GP7000s sal A380-86X modelnommers dra, omrede 6 die kode is vir die Engine Alliance-enjins.

Verwysings[wysig | wysig bron]

  1. "GE90-115 paves way for 'GEN X' Sonic Cruiser development". Flight Global. 2001-12-04. Besoek op 2016-02-14.