Emirates

in Wikipedia, die vrye ensiklopedie
(Aangestuur vanaf Emirates Airline)
Jump to navigation Jump to search
Emirates Airline
Emirates logo.svg
IATA ICAO Roepsein
EK UAE EMIRATES
Gestig1985
Eerste vlug25 Oktober 1985
HoofspilleDoebai Internasionale Lughawe
LojaliteitsprogramEmirates Skywards
Subsidiêre
  • Arabian Adventures
  • Congress Solutions International
  • Emirates Holidays
  • Emirates Tours
Vlootgrootte235 passasiers +15 vrag
Bestemmings133[1]
HouermaatskappyDie Emirates-groep
HoofkantoorGarhoud, Doebai, V.A.E.
Sleutelpersone
  • Ahmed bin Saeed Al Maktoum
    (Voorsitter en H.F.B.)
  • Tim Clark
    (President & en H.U.B.)
  • Maurice Flanagan
    (Uitv. Visevoorsitter)
Webwerfhttp://www.emirates.com/
Een van Emirates se 81 Airbus A380s
'n Emirates Boeing 777-200LR land op George Bush Interkontinentale Lughawe in Houston.

Emirates Airlines Limited (Arabies: طيران الإمارات DMG: Ṭayarān Al- Imārāt) (IATA: EK, ICAO: UAE) is 'n lugredery gebaseer in Doebai, Verenigde Arabiese Emirate. Die lugredery is 'n filiaal van die Emirates Groep, wat geheel en al deur die regering van Doebai se "Investment Corporation of Dubai" besit word.[2] Dit is die grootste lugredery in die Midde-Ooste, wat byna 3 400 vlugte per week bedryf[3][4] van sy middelpunt by Doebai Internasionale Lughawe, na meer as 150 stede in 74 lande regoor ses vastelande.[5] Vragverskeping word onderneem deur die Emirates Groep se "Emirates SkyCargo"-afdeling.[6]

Die lugredery is in die geledere van die top 5 wêreldwyd in terme van kilometers gevlieg, en is die grootste lugredery in die Midde-Ooste wat betref inkomste, vlootgrootte en passasiers gekarwei in 2018.[7] In 2018 was die lugredery die vierde grootste lugredery ter wêreld in terme van internasionale passasiers vervoer [8] en geskeduleerde passasierskilometers gevlieg.[9] Die redery was die tweede grootste in terme van geskeduleerde vrag ton-kilometers gevlieg.[10] Die maatskappy bedryf ook vier van die wêreld se langste direkte kommersiële vlugte van Doebai na Los Angeles, San Francisco, Dallas/Fort Worth, en Houston.[11][12]

Gedurende die middel-1980's het Gulf Air begin om sy dienste na Doebai af te skaal. As gevolg hiervan is Emirates op die been gebring in Maart 1985 met steun van Doebai se koninklike familie, met Pakistan International Airlines wat twee van die lugredery se eerste vliegtuie op 'n volhuurkontrak verskaf het. Dit was nodig om onafhanklik te funksioneer van regeringsubsidies, afgesien van $10 miljoen wat in aanvangskapitaal voorgeskiet is. Die redery het ontstaan onder leiding van Ahmed bin Saeed Al Maktoum, steeds die huidige voorsitter. In die jare na sy stigting het die lugredery sterk uitgebrei in beide sy vloot en bestemmings. In Oktober 2008 skuif Emirates al sy operasies by Doebai Internasionale Lughawe na Terminaal 3 om sy vinnige uitbreiding en groeiplanne te volhou.[13]

Emirates besit 'n groot vloot Airbus en Boeing wyerompvliegtuie en is een van 'n paar rederye wat slegs 'n wyeromp-vloot bedryf, die staatmaker hier is die Boeing 777-300ER. Emirates het ook bestellings vir 61 nuwe Airbus A380s en het die tweede operateur van dié tipe geword na Singapore Airlines. Emirates is 'n toonaangewende aankoper van vliegtuie, hy bekom nog 200 nuwe vliegtuie slegs in 2013.[14]

Emirates het 'n sterk handelsnaam as 'n leier in die lugvaartbedryf, veral in terme van uitstekende diens en sy baie vinnige groei, tesame met volgehoue winsgewendheid. Emirates het verskeie toekennings gewen – dit was in die agtste posisie geplaas deur Air Transport World vir "Lugredery van die Jaar" in 2012. Die toekenning is gedoen op grond van die erkenning van sy verbintenis tot veiligheid en operasionele uitmuntendheid, kliëntediens, finansiële gesondheid, insluitend 'n 25-jaar agtereenvolgende jaarlikse wins.[15] Emirates is aangewys as 'n viersterlugredery deur die lugvaartkonsultantgroep Skytrax. Die lugredery is bekroon as "Lugredery van die Jaar" in 2013.[16]

Passasiersvloot[wysig | wysig bron]

In Maart 2019 bedryf Emirates die volgende vliegtuie:

Soort Aantal Bestel Passasiers Notas
F B E Totaal
Airbus A330-900neo 40 Moet nog aangekondig word Lewering in 2021.
Airbus A350-900 30 Moet nog aangekondig word Lewering in 2024.
Airbus A380-800 109[17] 14 14 76 399 489 Grootste operateur van Boeing A380-800.
401 491
426 516
427 517
429 519
0 58 557 615
Boeing 777-200LR 10[17] 8 42 216 266 Gaan in 'n 2-klaskonfigurasie herkonfigureer word.
0 38 264 302
Boeing 777-300ER 138[17] 8 42 310 360 Grootste operateur van Boeing 777-300ER.
304 354
306 356
6 306 354
0 386 428
Boeing 777-8 35 Moet nog aangekondig word Lewering in 2022.
Boeing 777-9 115 Moet nog aangekondig word Lewering in 2020.
Totaal 257 234


Emirates bedryf 'n vloot uitsluitlik gebaseer op langafstand-vliegtuie met hoë passasierskapasiteit. Die gebrek aan alternatiewe binnelandse bestemmings vereis nie die ontwikkeling van 'n nutsdraer, of dat 'n deel van die vloot klein vliegtuie hoef te wees nie. Dit blyk egter, ten spyte van die gebruik van groter vliegtuie op kort- en mediumafstandroetes ('n Airbus A380 word byvoorbeeld gebruik op die roete Doebai – Jeddah, slegs 1700 km), dat Emirates steeds sukses behaal met 'n goeie laaifaktor vir sy vloot vliegtuie.

Eksterne skakels[wysig | wysig bron]

Verwysings[wysig | wysig bron]

  1. "Emirates – Our Destinations" (in Engels). Emirates.com. 4 Julie 2013. Geargiveer vanaf die oorspronklike op 5 Januarie 2016. Besoek op 4 Julie 2013.
  2. GulfNews.com – Emirates and Dnata now under ICD
  3. "Emirates to Fly 70 Million Passengers in 2020 | News | Emirates Deutschland" (in Azerbeidjans). Emirates.com. 23 Oktober 2013. Geargiveer vanaf die oorspronklike op 2 April 2016. Besoek op 6 Desember 2013.
  4. "Airfleets: Emirates" (in Engels). Airfleets.com. Geargiveer vanaf die oorspronklike op 10 Februarie 2008. Besoek op 1 Julie 2011.
  5. "Emirates destinations".
  6. "Emirates SkyCargo" (in Engels). The Emirates Group. Geargiveer vanaf die oorspronklike op 27 November 2017. Besoek op 26 Augustus 2009.
  7. "2016 Infographic" (PDF). Geargiveer vanaf die oorspronklike (PDF) op 5 Julie 2016. Besoek op 3 Julie 2016.
  8. IATA – WATS 57th – Schedlued Passengers Carried – 2012
  9. IATA – 57th – Scheduled Passengers-Kilometres flown – 2018
  10. IATA – 57th – Scheduled Freight-Tonne-Kilometres flown – 2018
  11. Advanced Digital Technology www.adtworld.com. "Emirates' longest flight makes inaugural touchdown in LA" (in Engels). Gulfnews. Geargiveer vanaf die oorspronklike op 10 Mei 2009. Besoek op 15 Julyie 2009. Gaan datum na in: |access-date= (help)
  12. "Emirates Launches San Francisco Service With World's Longest Green Flight Trial (press release)". ABTN. Besoek op 15 July 2009. [dooie skakel]
  13. Emirates (airline) (18 Februarie 2009). "Emirates Announces 2009 Expansion Plan". Persberig. http://www.emirates.com/english/about/news/news_detail.aspx?article=411638&offset=0. Besoek op 3 Augustus 2010. 
  14. www.emirates.com
  15. "Emirates Named Airline of the Year for 2011 by Air Transport World – Airline News" (in Engels). etravelblackboard.com. Geargiveer vanaf die oorspronklike op 6 Maart 2016. Besoek op 5 Maart 2011.
  16. "Emirates 4-Star Airline Ranking | SKYTRAX" (in Engels). Airlinequality.com. Geargiveer vanaf die oorspronklike op 12 Mei 2015. Besoek op 14 Oktober 2012.
  17. 17,0 17,1 17,2 "Emirates Fleet". dubai-flights.com (in Engels). Geargiveer vanaf die oorspronklike op 15 Junie 2020. Besoek op 8 Maart 2019.
Hierdie artikel is in sy geheel of gedeeltelik vanuit die Engelse Wikipedia vertaal.