Eric Stanton
Eric Stanton (30 September 1926 - 17 Maart 1999; gebore as Ernest Stanzoni jr.)[1] was 'n Amerikaanse ondergrondse strokiesverhaal- en fetisjkunstenaar.[2][3]
Hoewel Stanton sy loopbaan begin het as 'n BDSM-fantasiekunstenaar vir die "Pin-up King", Irving Klaw, het die grootste deel van sy latere werk die omkeer van genderrolle en vroulike dominansie uitgebeeld.[4] Hy het van die laat 1940's af kommissies van Irving Klaw gekry[5] en ondergrondse roem verwerf. Stanton het ook met die ondergrondse fetishkunstenaars Leonard Burtman[6] (uitgewer van die tydskrifte Exotique en Selbee), die berugte Times Square-uitgewer Edward Mishkin,[7] die uitgewer Stanley Malkin[8] en die latere tydskrifuitgewer George W. Mavety saamgewerk. Hy het ook 'n dekade lank 'n ateljee gedeel met die Marvel Comics-legende Steve Ditko.
Ná die sagteporn-era van die 1960's het sy kuns transgressiewer geword. In die 1970's het hy 'n posbesteldiens begin met die naam "Stanton Archives" en het hy sy werk direk aan aanhangers verkoop. Van 1982 af het hy boeke bekend as "Stantoons" begin verkoop wat direk deur aanhangers geïnspireer is. Stanton het ook bygedra tot tallose ondergrondse publikasies en later tydskrifte vir volwassenes soos Leg Show en Leg World. In 1984 het Stanton die enigste kunsuitstalling in sy lewe gehou by die New Yorkse nagklub Danceteria. Kunstenaars soos Banksy, Allen Jones en Madonna het onder andere al inspirasie in sy werk gevind.
Verwysings[wysig | wysig bron]
- ↑ Pérez Seves, Richard (2018). Eric Stanton & the History of the Bizarre Underground. Atglen: Schiffer. pp. 12–18. ISBN 9780764355424.
- ↑ Pérez Seves 2018, pp. 9–11.
- ↑ Perrone, Pierre (5 Junie 1999). "Obituary: Eric Stanton". The Independent. Besoek op 7 Mei 2018.
- ↑ Pérez Seves 2018, p. 10.
- ↑ Pérez Seves 2018, pp. 28–32.
- ↑ Pérez Seves 2018, pp. 74–80.
- ↑ Pérez Seves 2018, pp. 70–73.
- ↑ Pérez Seves 2018, pp. 165–176.
Skakels[wysig | wysig bron]
Wikimedia Commons het meer media in die kategorie Eric Stanton.
Hierdie artikel is in sy geheel of gedeeltelik uit die Engelse Wikipedia vertaal.
