General Dynamics F-16 Fighting Falcon

in Wikipedia, die vrye ensiklopedie
(Aangestuur vanaf F-16 Fighting Falcon)
Jump to navigation Jump to search
F-16 Fighting Falcon
F-16 June 2008.jpg
'n F-16 Fighting Falcon
Tipe Vegvliegtuig
Vervaardiger General Dynamics
Lockheed Martin
Nooiensvlug 20 Januarie 1974
Bekendstelling 17 Augustus 1978
Status In gebruik
Hoofgebruikers Amerikaanse Lugmag
25 andere
Vervaardig 1973-hede
Aantal gebou 4 540+[1]
Eenheidskoste F-16A/B: $14,6 miljoen (1998)[2]
F-16C/D: $18,8 miljoen (1998)[2]
Weergawes General Dynamics F-16 VISTA

Die General Dynamics (nou Lockheed Martin) F-16 Fighting Falcon is 'n enkelmotorige veeldoelige vegvliegtuig oorspronklik vir die Amerikaanse Lugmag (USAF) ontwikkel deur General Dynamics. Die vliegtuig was as 'n lugsuperioriteitsdagvegter ontwerp en is tot 'n suksesvolle alle-weersomstandighede veeldoelige vliegtuig ontwikkel. Oor die 4 500 vliegtuie is sedert 1976 gebou.[3] Hoewel dit nie meer deur die Amerikaanse Lugmag aangekoop word nie, word verbeterde weergawes steeds gebou vir goedgekeurde uitvoerkliënte. In 1993 het General Dynamics sy vliegtuigvervaardigingsbesigheid aan die Lockheed Corporation verkoop,[4] wat op sy beurt deel van Lockheed Martin geword het na 'n samesmelting met Martin Marietta in 1995.[5]

Die Fighting Falcon het vele sleutelfunksies, waaronder 'n raamlose borrelkap vir beter sigbaarheid, sygemonteerde beheerstok om beheer te vergemaklik tydens manoeuvres, 'n sitplek wat 30 grade terugslaan om die effek van g-kragte te verminder, en die eerste gebruik van 'n ontspanne statiese stabiliteit / vlieg-by-draad vlugbeheerstelsel help om dit 'n ratse vliegtuig te maak. Die F-16 het interne M61 Vulcan kanonne en 11 plekke vir die bevestiging van wapens en ander toerusting op missies. Die F-16 se amptelike naam is "Fighting Falcon", maar "Viper" word algemeen deur die vlieëniers gebruik, omrede die vermeende ooreenkoms met 'n slang.

Bykomend tot aktiewe diens in die Amerikaanse Lugmag, Lugmag Reserwemag en die Nasionale lugwageenhede, word die vliegtuig ook gebruik deur die USAF se lugdemonstrasiespan, die Amerikaanse Lugmag Thunderbirds, en as 'n teenstander/aggressor vliegtuig vir die Amerikaanse Vloot. Die F-16 dien ook in die lugmag van 25 ander lande.[6]

Tegniese gegewens[wysig | wysig bron]

  • Bemanning: 1
  • Lengte: 15,06 m
  • Vlerkwydte: 9,96 m
  • Hoogte: 4,88 m
  • Maksimum snelheid:
    • Seevlak: Mach1.2 (915 mpu, 1,470 km/h)
    • Op hoogte: Mach 2 (1,320 mpu, 2,120 km/h) in skoon opstelling
  • Reikafstand: 4 220 km met buitetenks
  • Gevegsradius: 550 km
  • Klimspoed: 254 m/s

Sien ook[wysig | wysig bron]

Verwysings[wysig | wysig bron]

  1. (en) http://www.lockheedmartin.com/us/news/press-releases/2014/june/140605ae_iraq-accepts-first-f-16.html
  2. 2,0 2,1 (en) "F-16 Fact Sheet." U.S. Air Force, Besoek op 3 September 2014.
  3. "Lockheed Martin to deliver 4,500th F-16 fighter". mcclatchydc.com, April 2012. Verkry: 3 April 2012.
  4. Rosenwald, Michael S. "Downside of Dominance? Popularity of Lockheed Martin's F-16 Makes Its F-35 Stealth Jet a Tough Sell." Washington Post, opgedateer op 17 Desember 2007. Verkry: 11 Julie 2008.
  5. "Company Histories – Lockheed Martin Corporation." Funding Universe. Verkry: 11 Julie 2008.
  6. Stout, Joe and Laurie Quincy. "United States Government Awards Lockheed Martin Contract to Begin Production of Advanced F-16 Aircraft for Morocco." Lockheed Martin press release, 8 Junie 2008. Verkry: 11 Julie 2008.


Hierdie artikel is in sy geheel of gedeeltelik vanuit die Engelse Wikipedia vertaal.