Fimbulvetr

in Wikipedia, die vrye ensiklopedie
'n Geveg tydens Ragnarök, deur Sigrid af Forselles.

In die Noorse mitologie is Fimbulvinter (Oudnoors: Fimbulvetr) die "groot winter"[1] wat die gebeurtenisse van Ragnarök voorafgaan.

Opsomming[wysig | wysig bron]

Fimbulvetr is die slepende winter wat die aarde tref voordat dit in 'n groot brand verwoes word. Dit is drie agtereenvolgende winters, sonder 'n somer tussenin, waarin die sneeu uit alle rigtings val. Dit veroorsaak dat alle moraliteit verdwyn en konflikte en vetes uitbreek.

Die winter word veral beskryf in die Poëtiese Edda, wat in die 13de eeu saamgestel is uit vroeëre tradisies. In die gedig Vafþrúðnismál vra Odin vir Vafþrúðnir watter mense die Fimbulvetr sal oorleef, en Vafþrúðnir antwoord Líf en Lífþrasir.

Die mitologie kan verband hou met die uiters koue weer van 535-'36, toe die temperatuur dwarsoor Noord-Europa kwaai gedaal het. Daar was ook al vrae of die mite verband hou met die klimaatsverandering in die Skandinawiese lande aan die einde van die Noorse Bronstydperk omstreeks 650 v.C.[2]

In Denemarke, Noorweë en Swede is die term fimbulvinter uit Oudnoors oorgeneem vir 'n ongewoon koue en strawwe winter.[1] In Swede word ook die woord vargavinter ("wolfwinter") gebruik.[3]

Verwysings[wysig | wysig bron]

  1. 1,0 1,1 Svenska Akademiens Ordbok, Fimbulvinter [1]
  2. Ström, Folke: Nordisk Hedendom, Studentlitteratur, Lund 2005, ISBN 91-44-00551-2 (1961).
  3. Siv Strömquist (21 Februarie 2011). "Gråbenstankar i vargavintern" (in Sweeds). Svenska Dagbladet. Besoek op 6 Oktober 2020.

Skakels[wysig | wysig bron]