French Toast

in Wikipedia, die vrye ensiklopedie
French Toast
Regisseur Paul Kruger
Draaiboek Tina Kruger, Emma Kruger, Ina Human
Met Lika Berning
Thierry Ballarine
Ateljee Hartiwood Films
Uitgereik 24 April 2015
Land Suid-Afrika
Taal Afrikaans, Engels, Frans
Amptelike webtuiste

French Toast is 'n rolprent wat op 24 April 2015 in Suid-Afrika vrygestel is. Die rolprent is deels in Frankryk en deels in Suid-Afrika geskiet. Groot dele van die dialoog is in Afrikaans, Frans en Engels.[1]

Genre[wysig | wysig bron]

Die rolprent is 'n romantiese komedie. Dit het geen ouderdomsperk nie en is geskik vir die hele gesin.

Hoofrolspelers[wysig | wysig bron]

Lika Berning en Thierry Ballarine vertolk die hoofrolle as Lise le Roux en Jean-Pierre Baptiste onderskeidelik. Van die ander akteurs wat in die film speel:

Storielyn[wysig | wysig bron]

Die rolprent handel oor fotograaf Lise le Roux (Lika Berning) wat saam met haar pa op 'n wynplaas naby Stellenbosch woon. Lise se ma, wat lank gelede oorlede is, het as simbool van haar nagedagtenis 'n geheime familieresep vir Franse braaibrood nagelaat.

Op 'n reënerige dag ontdek Lise haar ma se ou dagboek en vind tot haar verbasing uit dat sy ‘n broer of suster iewers in Frankryk het. Ondanks die feit dat Theo, haar pa se regterhand-wynmaker, op die punt staan om haar te vra om te trou, besluit Lise om na Parys te vertrek op soek na haar broer of suster en hopelik 'n stukkie waarheid oor haar ma uit te vind.

In Parys ontmoet Lise 'n Franse sjef, Jean-Pierre Baptiste. Jean-Pierre soek ‘n fotograaf vir sy nuwe kookboek. Lise stem in om die foto's vir sy boek te neem mits hy haar help om leidrade te volg om haar verlore broer of suster op te spoor.

Terwyl hulle Parys saam verken, ontdooi Jean-Pierre se warm spontane persoonlikheid Lise se koel terughoudendheid. Lise se lewe verander in 'n palet van nuwe smake, teksture, kleure en emosies, totdat daar skielik iets gebeur wat meebring dat Jean-Pierre verdwyn nadat hy vir Lise laat belowe het dat sy nie na hom sal soek nie. Lise ontdek uiteindelik die waarheid wat sy gehoop het haar vry sou maak.

Verwysings[wysig | wysig bron]

  1. Afrikaanse French Toast, besoek op 27 April 2015

Sien ook[wysig | wysig bron]