Gaskompressor

in Wikipedia, die vrye ensiklopedie
'n Enkelfase sentrifugale kompressor
Animasie van 'n aksiale kompressor.
Hierdie superaanjaer (die blink top) aan 'n versnelrenmotor staan ook bekend as 'n kompressor


'n Gaskompressor is 'n toestel wat 'n gas se druk verhoog deur die volume daarvan te verklein.

'n Kompressor doen min of meer aan gas wat 'n pomp aan vloeistof doen.

Tipe kompressors[wysig | wysig bron]

Kompressors word in twee hooftipes geklassifiseer:

  • Dinamies
    • Sentrifugaal
    • Aksiaal
  • Positiewe verplasing
    • Roterend
      • Skroef
      • Lob
      • Vloeistofring
      • Wiek (Engels: Vane)
    • Suier/resiprokerend
      • Enkelwerkend
      • Dubbelwerkend
      • Diafragma

Sentrifugale kompressor[wysig | wysig bron]

'n Sentrifugale kompressor werk op dieselfde beginsel as 'n sentrifugale pomp. Daar is 'n stuwerlem (impeller) wat in die rondte draai wat die gas in die middel (oog) insuig en na die buitekant uitwerp. Die stuwerlem dra kinetiese energie aan die gas oor (die gas beweeg vinniger) en wanneer die gas se snelheid verminder, word die kinetiese energie omgesit in die vorm van druk. Dit werk op die Bernoulli-beginsel.

Suierkompressor[wysig | wysig bron]

'n Suier- of resiprokerende kompressor werk met 'n suier soortgelyk aan die suier van 'n motor. Resiprokerend beteken om in gelyke hoeveelhede te gee en te neem. Resiprokerende beweging is wanneer heen-en-weer beweeg word, vandaar die woord "resiprokerende kompressor". Die woord "suierkompressor" is egter meer beskrywend.