George A. Hill
 | Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
George Alexander Hill is 'n Suid-Afrikaanse skrywer. Hoewel Hill nog nie self 'n publikasie uitgebring het nie, verskyn sy gedigte in die Tydskif vir Letterkunde en verskeie versamelbundels, onder meer Groot verseboek.
Lewe en werk[wysig | wysig bron]
George Hill is die jongste van drie kinders en is in Elsiesrivier op die Kaapse Vlakte gebore. Hy word hier groot, maar die familie verhuis later na Kuilsrivier, waar hy aan die Sarepta Senior Secondary School matrikuleer. Hy studeer joernalistiek aan die Peninsula Technikon, waar hy in 1996 gradueer. In hierdie tyd raak hy vanaf Januarie 1993 tot Desember 1994 betrokke by die gemeenskapsradio, Bush Radio. Dan werk hy by Zazise Communications as die hoofbestuurder vir die Wes-Kaap en as strategie en media-direkteur vir Uhuru Communications. In 1995 verhuis hy na Johannesburg, waar hy by verskeie media-instellings werk, insluitende YFM, die land se eerste jeugradiostasie. Hy woon hier in Troyeville. Hier is hy die jongste hoof van nuus in die land, koördineerder van inhoud en ook verantwoordelik vir die webwerf en die produksie van die uurlange meningsprogram Youth Crossfire. Ander radiostasies sluit in MetroFM en hy doen ook ondervinding op as programmeerder vir sake van die dag op televisie. Later word hy senior vervaardiger vir AM en Midday Live op SAFM.[1]
In Oktober 2006 keer hy terug na Kaapstad en sluit dan aan by die kommunikasie konsultante Hip-Hop Media Lounge. Vanaf Desember 2010 tot Maart 2011 neem hy waar as besturende direkteur van Afrofusion Communications, waarna hy vanaf April 2011 as kommunikasie spesialis aansluit by die Barclays bankgroep in Johannesburg, met fokus op die Afrika en Internasionale markte. By die IMM School of Business Science deurloop hy vanaf September 2012 'n Sertifikaatkursus in Besigheids- en Korporatiewe Kommunikasie (gelyk aan 'n NQF6) en vanaf November 2013 'n Bestuursontwikkelingsprogram aan die Universiteit van die Witwatersrand se Sakeskool (gelyk aan 'n NQF8). Vir die tydskrif Blink skryf hy 'n gereelde rubriek.
Hy is getroud en het 'n seun.
Skryfwerk[wysig | wysig bron]
Hy publiseer gedigte in Tydskrif vir Letterkunde en van sy verse word opgeneem in Nuwe stemme 2 en in Groot verseboek. [2]
Verwysings[wysig | wysig bron]
- ↑ LinkedIn: https://www.linkedin.com/in/george-a-hill-04341275?authType=name&authToken=kJhi[dooie skakel]
- ↑ Van Coller, H.P. (red.) Perspektief en Profiel Deel 3. Van Schaik-Uitgewers. Pretoria. Eerste uitgawe, 2006.