Goeie Vrydag-aardbewing

in Wikipedia, die vrye ensiklopedie
Spring na: navigasie, soek
Skade deur aardbewing in die Turnagain Heights.
Fourth Avenue in Anchorage.

Die Goeie Vrydag-aardbewing (Engels: Good Friday Earthquake), ook bekend as die "Great Alaska Earthquake" van 27 Maart 1964 was die enkele sterkste aardbewing in die Verenigde State se geskiedenis. Die episentrum van die sterkte 9,2 aardbewing was in Prince William Sound in Suid-Sentraal-Alaska.

Meeste van die eiendomsbeskadiging was in Anchorage, 120 km noordwes van die episentrum. Die aardbewing het tot 125 sterftes gelei, amper almal as gevolg van die tsoenami wat ontstaan het in die fjords van Prins William Sound en die Kenai Skiereiland.

Die skokgolf het amper 3 minute lank aangehou, en die meeste van die skade in die stad was as gevolg van die massiewe landverskuiwings. Amper al die huise in die buurt van Turnagain Heights is verwoes in die aardbewing.