Golshifteh Farahani
Golshifteh Farahani | |
|---|---|
.jpg) Farahani in 2023 | |
| Gebore | Rahavard Farahani 10 Julie 1983 Tehran, Iran |
| Alma mater | Iranse Universiteit vir Toegepaste Wetenskap en Tegnologie[1] |
| Beroep | Aktrise |
| Ouer(s) | Behzad Farahani |
Rahavard Farahani (Persies: رهاورد فراهانی; * 10 Julie 1983), professioneel bekend as Golshifteh Farahani (گلشیفته فراهانی), is 'n Iranse aktrise. Sy is bekend vir haar rolle in Mim Mesle Madar (2006), Body of Lies (2008), About Elly (2009), The Patience Stone (2012), Paterson (2016), Girls of the Sun (2018), Extraction (2020) en die opvolg daarop, Extraction 2 (2023), en die televisiereeks Invasion (2021–tans). Sy is tydens die 2014 César-toekenningsaand genomineer vir 'n César-toekenning vir die Mees Belowende Aktrise vir haar rol in The Patience Stone.
Vroeë lewe[wysig | wysig bron]
Farahani is gebore in Teheran, Iran. Sy is die dogter van Behzad Farahani, 'n teaterregisseur en akteur, en Fahimeh Rahim Nia. Haar suster is die aktrise Shaghayegh Farahani.[2] Golshifteh het op vyfjarige ouderdom musiek en klavier begin studeer, en later by 'n musiekskool in Teheran ingeskryf. Op 14 het sy die hoofrol vertolk in Dariush Mehrjui se The Pear Tree, 'n rol waarvoor sy die Crystal Roc vir Beste Aktrise in die Internasionale Afdeling van die 16de Fajr Internasionale Filmfees in Teheran gewen het.[3]
Loopbaan[wysig | wysig bron]
Farahani het die hoofrol vertolk in die drama About Elly, wat as die beste rolprent tydens die 2009 Tribeca-rolprentfees aangewys is, en 'n Silwer Bear-toekenning tydens die Berlynse Internasionale Filmfees ontvang het. [4]
Farahani het die hoofrol vertolk in The Patience Stone (2012), geregisseer deur Atiq Rahimi ná sy roman. Dit is gunstig ontvang deur die meeste resensente.[5] Sy het ook verskyn in 'n César-toekenning video uit 2012 in die kategorie Belowendste Aktrise.
In 2016 het Farahani Anna Karenina op die verhoog in Parys vertolk en gunstige resensies ontvang. Sy het ook die hoofrol van Laura vertolk in regisseur Jim Jarmusch se Amerikaanse rolprent, Paterson, naas Adam Driver. Die rolprent het positiewe resensies ontvang.
In 2017 het sy verskyn in die fantasierolprent Pirates of the Caribbean: Dead Men Tell No Tales as die seeheks Shansa.[6]
In 2020 was sy te sien in die aksierolprent Extraction as Nik Khan, en in die opvolg daarop uit 2023, Extraction 2.
Filmografie[wysig | wysig bron]
- Derakht-e golabi (1997)
- Haft Pardeh (2000)
- Zamaneh (2001)
- Jayee digar (2002)
- Do fereshteh (2003)
- Boutique (2003)
- Ashk-e sarma (2004)
- Bab'Aziz, le prince qui contemplait son âme (2005)
- Mahiha ashegh mishavand (2005)
- Bé nam-e pedar (2005)
- Gis Borideh (2006)
- Niwemang (2006)
- Mim mesle madar (2007)
- Santouri (2007)
- Shirin (2008)
- Hamisheh paye yek zan dar miyan ast (2008)
- Divar (2008)
- Body of Lies (2008)
- Darbareye Elly (2009)
- There Be Dragons (2011)
- Si tu meurs, je te tue (2011)
- Poulet aux prunes (2011)
- Syngué Sabour, pierre de patience (2012)
- Just Like a Woman (tv-film, 2012)
- My Sweet Pepperland (2013)
- Rosewater (2014)
- Eden (2014)
- Exodus: Gods and Kings (2014)
- Les Deux Amis (2015)
- Paterson (2016)
- Pirates of the Caribbean: Dead Men Tell No Tales (2017)
- Les Filles du soleil (2018)
- L'angle mort (2019)
- Un divan à Tunis (2019)
- Extraction (2020)
- Extraction 2 (2023)
Verwysings[wysig | wysig bron]
- ↑ "Golshifteh Farahani" (in Persies). Soureh Cinema. Geargiveer vanaf die oorspronklike op 5 Maart 2016. Besoek op 18 Junie 2023.
- ↑ Tehrani, Souraya (22 Augustus 2008). "Hollywood postponed". TheGuardian.com. Geargiveer vanaf die oorspronklike op 26 Januarie 2021. Besoek op 2 April 2021.
- ↑ Rouiller, Nathalie (14 Oktober 2019). "Golshifteh Farahani, aveuglante". liberation.fr. Geargiveer vanaf die oorspronklike op 14 Mei 2022. Besoek op 19 November 2021.
Sur les registres, la belle s'appelle Rahavard, "cadeau de la route", en allusion aux chemins de hasard et à leurs surprises d'importance. [...] On l'imaginait double nationale, elle affirme n'avoir qu'un passeport, le tricolore [...] "On n'est pas responsable de la peur des hommes", dit l'ex de Louis Garrel, deux fois mariée et séparée...
. - ↑ Christianson, Emily. "FRESH FACE: Golshifteh Farahani". Hollywood.com. Geargiveer vanaf die oorspronklike op 21 Februarie 2009. Besoek op 25 Januarie 2009.
- ↑ "The Patience Stone". Rotten Tomatoes. Geargiveer vanaf die oorspronklike op 13 Julie 2014. Besoek op 30 Augustus 2014.
- ↑ "Golshifteh Farahani in Pirates of the Caribbean". Geargiveer vanaf die oorspronklike op 30 November 2015. Besoek op 16 Julie 2016.
Eksterne skakels[wysig | wysig bron]
 |
Wikimedia Commons bevat media in verband met Golshifteh Farahani. |
